Qusbih Culta Barteenit Kee Sugte Barteenit Oggolluh Yakume Bicak Gaba Kalleh Geytimna-Jamiqatitte
Addis Ababa,Qunxa garabluk 7,2019 (FMC) Qusba Baritto Liggidal Qusbih Culta Barteenit Kee Sugte Barteenit Oggolluh Yakume Bicak Gaba kalleh Geytimna Axcuk Jamiqatitte Qaddosse.
Samara jaamiqatak Ummattah Angarawih Saqal Gifta Macammad Acmad Iyyemihi :-Jaamiqat Qusbih Culta Barteenit Kee Sugte Barteenit Oggoltuh Yakume Bicak Gaba Kalleh Geytimna Yescesse.
Tahak Ugut Abak Barteenit elle Barittu Wayta fotimaami Dariifal Tan laqnak Oftoy takkuh Qasriino le Liqna Xabcissa Duyyeya Kulli Footimat Takareenih Geytimanam Kassise.
Awayih Uddur barteenit Duddalennal Oggoloonuh Jaamiqat Faxxima Bicittey Taakumek Gana kalteh geytimtam Baxxaqse.
Tonnah Kaadu tamatuwayta barteenit Logya Magaalak Abbixuk Awtobusitte Bicseenih Geytimanak Amakkaquk jaamiqat fanah tamaateh tan barteenitih Oggol Abelonum Qaddose.
Tonnah Jimma Jaamiqatak Ummattah Angarawih Exxah saqal Yixneku Iyyemiohi :-Barteenitik Mayasarraqa Gexsit Qunxa garabluk 11 Ilaa 12 Akkelem Kassise.
Qusba barteenit makinak Elle Oban Guiddaqatak Ila Jaamiqat fanah Ken baahu Wa labbat Ayfaafih Oggol Keenih Abelonum Yescesse.
Tonnah Walkitte jaamiqatak Ummattah Angarawih saqal Kamal Nuru Iyyemihi :- Qusba baritto Liggidal barteenit Oggoloonuh Yaakume Bicittek gaba kaleenih geytimanam Yescesse.