Rakaakayak Qaafiyat Biiroh Saqal Gifta Yasin Cabiib Miraacisa UNFPA Fayyale Miraaciinih Erga Fanti Rasuk Awrâ Daqaaral Taamitak Geytima Yangagayye Kiliinik Acayuk Geytima Affafat Gufne Aben.

Addis Ababa,Waysu 4,2018 (FMC) Dacar Sittoh Xiina Qaafiyat Diggosoonuy Tonnah Inonti Kee Alaaqa Qaafiyat Yaysisoonuh Qafar Rakakayih Caddol Angagayyuk Qaafiyat Affaf Yace Mobile Kilinik Fanti Rasih Caddol Affaf Cayuk Geytimam Qaddosen.

Ta Angagayyuk Taamita Mobile Kiliinik UNFPA Deqsitta Meqem Abittoh Eglah Qokolul Geytimtem Kee Fanti Rasih Gubat Geytimta Daqoorit Meekitak Ummattah Dayli Ayfaf Acayuk Geytiamat Yaaben.

Qafár Rakaakayak Naharsi Saqalah Yan Cajji Awwal Qarba Kee Rakaakak Qaafiyat Biirok Saqalah Yan Yaasin Cabiib UNFPA Ethiopia Agat Caddol Saqalah Yan Gifta Sk Koume Luk Aben Walalak Ugutak Raqte Rasittel Angagayyuk Taamitu Waa Mobile Kiliinik Xayi Ayroorah Addat Baahoonuh Sittin Gey Abak Xagana Culen.

Fanti Rasuk Awrâ Daqaaral Akkuk Maacisse Gufnet Qaafiyat Biirok Saqalah Yan Yaasin Cabiibiy, Qaafiyat Biirok Miraaciini Makaadoy, Fanti Rasuk Saqalah Yan Gifta Cuseen Macammad Zahabay, Awrâ Daqarih Miraaciinu Kee UNFPA Fayyale Miraaciinu Elle Geytime.

Asaaki Macsenta Abak Maacisen Gufneh Aracal Qaafiyat Biiroh Saqalah Yan Yaasin Cabiib Angagayyuk Taamita Mobile Kiliinik Ni Ummattay Dacarsittoh Xiinah Tani Yayse Qaafiyat Ayfaf Elle Yaceenim Duudan Gurral Kusaq Abak Ta Mobile Kiliinik Baahak Angagayyuk Ummattah Meqe Ayfaf Acayuk Geytimaanam Qaddoysenim Rakakayak Qaafiyat Biiroh Oyti Yascasse.