Salaam malaak Qafar rakaakayal karma labbat ayfaafayih taddiira Qafar Rakaakayak salaam kee saay biirot cattiimak asaaku qimbisen
Addis Ababa,Ditelik 21,2018 (FMC) Salaam karmak labbat ayfaafay ayyunti ayfaafayah inta maxcol samaral asaaku fayyale miraaciinu kee salaam malaakihbawlaytit elle geytimak qimbisiisiyyi taddiira gexisen.
Ataddira yaabal fakental geytimak yab abeh yan Rakaakayak saay kee salaam biirok ciggiila saqalah yan bilal dage Labbat ayfaafayih taddiira ni rakaakayih caddol qimbiseenimih akahbtan sidiica sanatat meqe xalu ablaasuk geytimtam qaddoose.
Qunxaaneyti labbat ayfaafayal abah yan taama baaxo salaamaay maddur dadal kee ayyuntiinoh ayfaafayah kaxxa tuxxiq lemiik amakkaquk labbat ayfaafayal taamitah yan qunxaaneytah faxxiima qokol kee koobaahisso inkih yan dagarak qambaalimtam kassiise.
Samara logyi magaalah xiinissok saqalah yan injiner Acmad Nuur samara logyi magaalah xiinissoh caddol labbat ayfaafayal taamita meqem abitto qunxaaneyta koo baahisak baxaabaxsale taamoomiy abionu waanh faxxiima qokol keenih abak taamalnakah asan innah abeenih geytimaanam yiysixxige.
Akarmah labbat ayfaafayal coox daabisaanamaay qabala yaceenimiiy magalol nadafattaay, karma barittol barteenitih titoriyaal kilaas barisaanamaay gabdagoytit cataanamaay maduudeenitih qokol abaanam kee kalah tan labbat taamoomil akah taamitan inna kinnih tanim Yescessse.
Salaam malaakih awlaytuh temeete gifti zabiiba Yusuf baaxo caddol Akarma labbat ayfaf dumaak akah abak sugen innah baxaabaxsale abinittel tatruseloonum tiysixxige.
Baxsalukuuy Salaam malaak salaam ayyunti addal qaada yakkuuy inkiinooy ittalluk alliya diggoowak itopiah qunxaaneyti salaamak tan itopiyay saytuni akah ginannah faxxiima qokol kee fido akah fidisak geytimaanam Yescessen.
Salaam malaakih cadoluuy qafar baaxok awash kee samara logyi magaalah xiinissoosal meqem abitto labbat ayfaafayal xissiimeh yan 200uk daga yakke qunxaaneytak koobahisak akah taamitan innah koobaahisak geytimaanam tiysixxige.
Ellecaboluuy akarmah labbat ayfaafayih taddira elle ikraarisen innal abbinoowak meqe xalu bahtuh inkih yan dagar isil tan dikik yawqem faxximtaamih farmo tatrusse.
A taddiirah qimbisiisiliiy coox daabisaanamaay qabal yaceenim kee kalah ayyuntah addaffakoot elle aban gudgudul qimbisaanam meqennal akkuk maacisse.
Kalifa Kadir