Salaatul Istisqhah Qunxik kaxxih awaquk Yallat Cabsu kee Racmat Esseritaanam Faxximta-Rakaakayak Islaaminnâ Caagiidah Malah Buxa
Addis Ababa,Ditelik 08,2018 (FMC) Yamaate Caadah Inkih tan Qafar Ummatta Salaatul Istisqhah Qunxik kaxxih awaquk Yallat cabsu kee Racmat Esseritaanam faxximtah Tanim Qafar Rakaakayak Islaaminna caagiidah malâh buxah Presidentih yan Sheek Macammad Awwal cayat Qaddose.
Qafar rakaakayak islaaminnah caagiidah malâh buxa kee Rakaakayak shariiqah cokmih buxa Yanih Yan Qadalsak Yallat Cabsu Esseritaanam Kee Istisqha Saaltih Udduur Wagittaamal Maybalaalaqa yecen.
Baaxol yanih yan qadalsak Yalla kallacitak yalli edde ne farrimem abaanam kee Yalli akak waaseemik wasimaanam Faxximtam Qafar Rakaakayak islaaminnah caagiidah malâh buxah Presidentih yan Sheek Macammad Awwal cayat Qafar Tv yeceeh yan Maybalaalaqal Diggoose .
Robti qabaaray yanih Yanik salaatul Istisqha Abaanam faxximtam kee Abaanah
yanin uddur cabsu esseritak Maqaane qaagtaanam faxximtam Yiysixxige .
Qafar rakaakayak shariiqah cokmih buxak Naharsi saqal Dr Macammad cuseen salaatul Istisqhah Magaala kee barril inkih yawqeenim faxximtam kee Mangoh yan Niqmat barrik geytimam Kinnuuk Magaala Mari Tahak Garcite-Waanam Faxxintam kassise.
Salaatul Istisqhah Yawqeenih yanin Udduur Edde Sugen Sarat Yawqeenim Faxxintah Tanim Dr Macammad Cuseen Illacabol Tatruseh Yanim Qafarak Mangaafa Retteemah Oyti Yascasse.