Samara Jaamiqat Koona Sanatah Abak Sugem Culenti Xalu Rakakayak Culenti Biirol Tabisse
Addis Ababa,Waysu 16,2018 (FMC) Rakaakayak cullenti biiro samara jaamiqatalih cattimak Sanat 2016 Ilaa 2020 fan gexsitak Geytimah culenti kusaqih Matbaqak Gaba Kalak Tabsaanamih Taddera Gexsen
Samara jaamiqat matbaqat akak abteh tan ta kusaq Samara jaamiqatak kusaqay kee teknolojih Tabatabsak ciggila Prezdenti Gifta Adam Qali Kabbo Rakaakayak culenti biirok saqal Gifta Awwal Qabdu Tabsam abe.
Ta kusaq 39 daqaaray 5 Magaala xinissosa kee baxabaxsale biirora edde anuk culenti gaaboysol missoweh yan kusaq 3 afah Qafar afay,amcari af kee Englizih afat missoweh yanim qaddowte.
Rakaakayak culenti biirok Naharsi saqal Gifta Awwal Qabdu iyyemih Ta kusaaqak qimbo madma culenti Gaaboyso xaloot kusaaqisaanam kee fooca fan culenti duddah yaysiisonuh edde doqaysimenih yanin cogda kinnih tanim qaddose.
Rakaakayak culenti gaboyso kee xinisso siirat qasriino fan akah kora innah madqa kee maqatta(callite)xayyosonu kinnih tanimiy ascasuk ta kusaq gaba kalh yan udduruh ugtuma akkuk culenti gaboysoonuh dudda maqarroyselonum yescesse.
Samara jaamiqatak kusaqay kee teknolojih tabatabsul ciggla peresedenti daqoritiil yekkeh yan kusaqal kulli daqar culetak geysiisam duudam caddo caddoh daffeysak faxxima kusaq yekkeh yanim Yiysixxigen.
Ta kusaq ta caddo gufuh kenilih cattimteh tan Culeti biiro Gadda gacisak foca fan tabisle taama kee kalah tan taamoomi sittalih abak gexelonum yescessenim Qafarak Mangaffa Rettimah Oyti Yascasse.