Sanat 2018 Baaxo Maqarroosaanam Kee Demokraasi Xisneh Rakiibo Elle Daabimte Sanatak Sugte-Doolat Angaarawih Ayfaafaya
Addis Ababa, Ximoli 27, 2018 (FMC) Doolat Angaarawih Ayfaafay Gaba Kaleh Yan Sanat 2018 Itiyoppiyak Baaxo Maqarroosaanam Kee Demokraasi Xisne Diggowtuh Rakiibo Elle Daabisen Sanatak Sugtem Qaddoosen.
Tama Ayfaafayak Malaak Deetah Yan Kebede Desisa Sanat 2018 Hele Mizaaniyyat Liggidal Tunkuttube Nabah Tan Mango Baaxo Xalootitte Kee Tamaateh Tan Paagumeh Ayroorah Massakaxxa Wagsiisak Maybalaalaqa Yece.
Tama Maybalaalaqal, Baaxo Xisne Elle Elle Maqarrowtam Kee Booditte Calli Akah Geysisnu Elle Xiqna Agatak Mabbolow Gexsit Elle Yekke Sanat Kinnim Kassiise.
Amolladi Doorol 54 Miliyoonuuk Daga Yakkeh Yan Doora Mari Edde Yengeleh Yanim Ascassuuk, Sanat 2018 Liggidal Demokrtaasi Xisneh Rakiibo Elle Daabisne Sanat Kinnim Kee Itiyoppiyak Ambadad Safar Elle Qimbimeemam Diggosne Sanatak Sugtem Qaddoose.
Kaxxa Projektitte Taama Fanah Edde Cultem Kee Gaba Edde Kalak Xalu Edde Nuskuttube Axcuk Yiysixxige.
Ceelalloh, Nabah Yan Asqassaabe Karawwad Gaba Edde Kalem Kee Bishoftu Tayyaarah Boora, Ballaaqe Madaaberiyah Fabrika Kee Kalah Tan Kaxxa Cuggaysoosa Edde Abbinowte Sanatak Sugtem Kassiise.
Mizaaniyyat Liggidal 1 Ximmooy 5 Tiriliyoonih Birrih Culenti Edde Gaabooweh Yanim Kassiisaak, Aham Kaaduk Tatre Sanatak Tama Udduur Lih Qallisna Wak Boolul 67 Gabah Ossetina Lem Qaddoose.
Ossetinah Mizaaniyyat Liggidal 10 Ximmooy 2 Biliyoonih Doolar Awqenti Tellemmok Culenti Akak Geytimu Xiiqeh Yanim Baxxaqse.
4 Ximmooy 4 Biliyoonih Doolar Kappitaalah Tuskuttube Qusba Investrwa Taama Fanah Culteh Taniimit Yaabeh Yan Tama Saqal, 13 Ximmooy 2 Biliyoonih Doolar Tuskuttubeh Tan Afa Baaxoh Gaddaloola Lih Investimentih Culmah Sittin Geyih Gili Yekkeh Yanim Yescesse.
Buqre Langil Maaqiddi Muddaqiinu Diggoysoonuh Yakkeh Yan Macalal Meqe Xalu Elle Yunkuttubeh Yanim Ascassuuk, Ayfaafay Mattaco Qasriino Akah Tallennah Tekkeh Tan Taamal 100 Daga Takke Mesob/Koora Inki Fanteenah Ayfaafay Taama Fanah Culuseenih Yaniinim Qaddoose.