Saqudik Yandabbe Marak Konnabna Dacrisak Buxa Marat Akah Yangalen Innah Taamitak Geytiman

Addis Ababa,Ximolik 7,2018 (FMC) Saqud Qarabiyal Uma Caalatih Addat Sugte Marittey Baaxo Gacisanak Konnabna Dacrisak Oson Faxanam Keenih Akah Kiban Innah Taamitak Geytimanam Itiyoppiyak Qawwalyala Bohoyih Taamah Komishin Qaddose.

Tama Komishin Saqud Qarabiyak Amoyti Salmaan Banaadamiyyoh Qokol Kee Qokol Fanteena Lih Baaxo Fanah Yuduuren Maritteh Qagitaak Qokol Aboonuh Qokol Sittin Gey Aben.

Tama Komishinik Komishiner Shiferaw Teklemariam (Dr.) Tama Wakti Elle Qaddoosennal “Baaxo Xayloh Massakaxxa Kee Amni Caagiidal Fanteenah Tan Diplomaasih Qokolih Taama Xalu Geytam Faxximta” Axcuk Qaddoose.

Saqud Qarabiyak Yandabben Baaxo Xaylo Massakaxxa kee Amni Luk Arcibaanam kee Qokolanam Doolat Baaxo Xaylo Fanteenah tan Xiinissoh Cogda Yaybulle Abini Taama Kinni .

Banaadamiyyoh Cato Osotinah Dadlisoonuh Daddos Qokolih Institutionittelluk Qokol Abak Geytimaanam Qaddoose.

Saqud Qarabiyah Doolat Institutionitte Kee King Salman Banaadamiyyoh Cato Kee Catoh Fanteena Lih Qimmisen Qokol, Sarimanele Daddos Kee Banaadamiyyoh Catoh Sittaluk Angaaraw Fanah Gexak Geytimaanam Qaddoose.

Tama Qokolih Addat, King Salmaan Banaadamiyyoh Cato Kee Catoh Fanteenah Addal 1 Ximmoy 333 Miliyoonih Doolar Akah Yibbixen Innah Abak Geytimaanam Yiysixxigen.

Tama Qokol Komishinik Sissik Udduurih Qokol Cugaysoh Gubat Abbinoosak Geytimaanam Kassiisaak, Isinni Buxah Mara Massakaxxa Kee Amaanah Akah Gufan Innah Meraytu, Maaqidda, Arac, Sartan Kee Kalah Tan Qokol Akah Aban Innah Abak Geytimaanam Qaddoose.