Sente Ameerikak Qaskariyyoh Cayli Iraan Carbik Yawqeenim Elle Xiiqan Margaqa Tatrusse

Addis Ababa, Waysuk 17, 2018 (FMC) Ameerikah Seenet Pirezdant Donald Tiramp, Tama Baaxohk Qaskariyyoh Cayli, Iran Carbik Yayyaaqem Elle Xiiqa Margaqa Fuli Xongolol Faaticisen.

Tama Margaqa Mabla Elle Taturtemi, Ameerika Kee Iran Fanih Idoolinna Abtah Tan Dagorti Sarrimaane Le Carbi Soolisiyyih Sittin Gey Aboonuh Swizerlandil Walalak Elle Geytimanikke Kee REknik Walalal Abeenih Yanin Sittin Geyih Uddur Kinniimit Yaaben.

50 Takke Senet Adoytiitik 48 Takkemi Tama Margaqa Xongolol Qokoleenim KInnuuk, Doonald Tirampi MIraacisa Rippeblikan Missoynak 4 Yakke Mari, Tama Pirezdanti Qaskariyyoh Cayla Iraanak Akah Yayyaqennah Tatruseenih Yanin Margaqa Qokoleenih Yaniinim Warsen.

RT Xaagi Elle Yascassennal, Ta Margaqa Pirezdant Tirampi, Iran Wagsiisak Katah Yan Pooliisil Kaxxa Sadi Kaat Boodeh Yaniimik Mayballa Kinni Axcuk Qaddosse.

Ahak Afal Dimokratik MIssoyna Senet Adoytit Iran Lih Yakke Carbi Pirezdant Tirampi Akah Soolannah 10 Addaak Dagah Essero Xayyooseenim Takkay Ikkah, Faxxiima Qokol Geye Wenimih Taagah Arac Keenih Xage Kal Raaqe.

Pirezdant Tirampi Ameerikah Seenetaritti Fanti Maacih Salaamih Macal Yol Aygidibisuk Geytiman Axcuk Qaddoosem Kinnuuk, Tama Margaqa Ragteh Tan Margaqa Kinnim Kee Maqna Sinni Caagid Kinni Axcuk Qaddoosemim Tama Xaagi Yascasse.