Taturte 8 Sanootah addat Yemeeteh Yan Milaagu Qokolta Soolo Kiblatti Rasuk Wasami Daqaral Gexsen

Addis Ababa,Qado Dirri 24,2010 (FMC) Liggidaak Xabba-haanam Taturte 8 Milaagi Sanootah Itiyoppiyaay Baxsa Luk Qafar Addat yemeeteh Yan Milaagu Qokoltah tan Soolo Wasami Daqaarih Ayyunti Gexsen .

Rakaakayak Maaliyyah Biirok Ciggiila Saqalah Yan Gifta Darsa Macammad Miraacisak , Daqaar Miraaciinuuy Inkih tan Ayyunti Exxaaxi Edde Tengele Qokol Soolo Asaaki Macsenta Wasami Daqaral Gexsak Maacisen .

Efederih Doolatak Naharsi Malaak Dr Abiyyi Acmad Reeda Yibbixeh Yan Ayrook Xabba-haanam Inkih tan Itiyoppiyal Kulli Luddal Milaagu Le Taamoomiy Ummattah Xaloot Le Akkuk Geytintam Tamixxige .

Qokol Aracal Geytimaak Yab abeh yan Rakaakayak Maaliyyah Biirok Ciggiila Saqalah Yan Gifta Darsa Macammad Ibraahim 8 Sanatih addat Yemeete Milaaguk Qaffayda Yassakaxxeenim Dibuh Hinnay Tekkeh tan Xaloot le Taamoomi Abinah Edde Tumbulluye Udduur Kinnih Tanim Qaddosse .

Tonnah Kaadu wasami Daqarak Naharsi Saqala Engeener Macammad Muusa Qali Candidet PhD iyyemih Baaxoh caddol Yekkeh Yan Milaagut Qafar Ummatta Ayyuntiinoy, Siyaasaay, Qidaddoh Tuxxqitte sinnik Diggoosonuy Rakiibo Daddoosih Caddol Tekkeh Tan Taamoomil Assakat le Xalootuk ceelalo wasami daqara edde geytimem Baxxaqisen.

Qado-Dirrik 24 2010 Liggid Itiyoppiya Qusba Mafdaga Fan Edde Culte Milaagi Ukummo Kinnuuk Agat Caddol Akkuk Geytima Milaagu aydukumsak Fooca Fanah Milaagi Doolat xaqut soole Loonum Qaddoose

Milaaguk Duma Qafar leh tan Gino Gadda kee Aydaadu Kak Buuleenih Sugen Ayyunta Kinnim Kassiiseh Yan Kiblatti Rasuk leedah parti xisne Lannagik Gifta Cajji Anim Ibraahim iyyemih Qafar Ummatta Geyteh tan Saamit Antfiquk Geytintam kee Qafar Ummatta 8 Sanatih addat Geyteh tan Saami 27 Liggidih addat Geyteh Sugewaytem Diggoosenim Daqaraak Doolat Angarawih Maktabih Oyti Yascasse.