Venzeula Baaxoh Angoyyi Qawwalayalat Rabe Marih Qadad 235 Gufe
Addis Ababa,Waysu 19,2018 (FMC) Venzeulak Inaytâ Magaalak Xayi Dariifat Yekke Baaxoh Angoyyak Gexxamah Rabe Marih Qadad 235 Gufe.
Baaxoh Angoyyak Gexxamah Radde Qarwah Addat Yan Marak Rooci Wadoot Taama Abak Geytimanam Tontobbe.
Inaytâ Magaala Karakaas kee Xayi Dariifal Geytimta Guerral Toofe Baaxoh Angoyyak Gexxamah Riktel Skalik 7 Ximmoy 2 Gufe Baaxoh Angoyyta Ila Taham Fanah 235 Yakke Mari Edde Rabem Kee 4 Alfiy 300 Yakke Mari Edde Biyakitem Qaddosen.
Kalah 250 Takke Qarwa Edde Tiddigillem Kee Qawwalayla Bohoyuk Gexxmah Mango Maritte Magaalak Awquk Geytimam Yescessen.
Tama Baaxok Elle Sugah Prezdenti Delcy Rodriguez Tama Qawwalaylak Ugut Abak Sissik Udduurih Kukta Faticisak Baaxooxa Cato Akah Aban Innah Seeco Xayyosse.
Ameerika 150 Miliyoonih Dolaar Cato Abtuh Xagana Culteh Tanim Qaddossak Doonikitte Kee Qaran Merratitte Edde Anuk Cato Butta Karakas Fanah Rubteh Tanim Qaddosse.