Wagaq Rabam Qunxa Mariinol Elle Kaqitak Yenennal Idolinnal Kaqitam Gabbatawaka
Gitaak Iroh Tan Cuwacat Buttah Mirocti Duma Luk Sugen Cayla Away Loonum Yakkalenim Tamballe.
Iro Naqboytit Kee Baad Caddoh Ganeenit Lih Gacak Itiyoppiyah Ummatta Mudoonuh Bicak Geytiman Ken Afak Tontobbe.
Gita Maliino Butta Ciwacat Butta Iro Naqboytit Lih Gacak Gano Abama Keenik Maqusba.
Aydaadi xaagi elle yascassennal dergi dabaanal Somaaliyah abbah yan Sayyid Barre luk cattiimak ayro mawqah exxal tekke warar qokleh sugem warsan.
Tama Butta Awayih Uddur Masri Miraaciinu Kee Shaqbiyya Qokolul Fooca Fanah Gexaanamih Gibbatu Abak Geytimtam Tama Mirocti Tatre Forumittel Qaddoosen.
Ta Butta baaxoh tuxxiiqik muxxi isi tuxxiiqih naharsiino yaceenim Tamixxige.
Dumaay eretriya sittak baxsimte saaku, Itiyoppiya iro baaxooxat abte eglaaluk cisaabisak baddi furda akak bayisse.
Tah away Itiyoppiyal kaxxa awqenta Beyta .
Ta Butta Qangiino Luk Sugtewak, Tigray Ayyunti Ityoppiyah Aydaaduuy, Qaada kee Amobaxaqa Leh tan Baaxo kacanu le Ayyunta Kinnim Kuliwak Sumaqte.
Kalah kaadu raqteh tan Itiyoppiyah tooboko kee maqanxix lih salaamaay, kacanu kee inkittiinol waaroonuh kaxxa fayxi lon.
Adwa, Dogali kee Gundet aydaadi mayso geyteeh, Tigray baaxol tunkuttube naqboyti warar, gersi Itiyoppiyah xaylo luk cattiimak, itta luk fida kah tekkeh tan kaxxiina le ummatta kinni.
ummatta, bool karmoomih carbih anxaqooqi, sarrimaane le salaam, sabhalal kee daddos kulliimiik dagah faxxa.
Medemer doolat, tigray ummattak salaam kicintoh tan gino aaxaguk, addâ carbi ugtam midqisseeh, raddem takke way, carbi mayso luk yumurruqeh immay, tigray ummattah taagah buubteh tan butta lih Pretoriyah Sittin gey abte.
Toh tonnal anuk, doolat qaran kee ardi merrayti fakteh rakaakayal currik tan gabqasah yan maritte maaqidda kee diwaat akah geytannah.
Tah kaadu carbit finqitteh sugte caylaay, angaaraw kee banki ayfaafayitteh gacsoonuh kaxxa baajet kee sahdayti cayla akah yeceen innah abte.
Takkay immay butta xayi uddurut salaam bahteh tan Pretoriyah sittin gey inki tanuuk yiggileh.
“Damaaqe Isi Qunxaaneytal Kaqitak Sugte Qaleel Kaqtam Gibbata Wak Rabah” Axcuk Yabtaah, Tama Butta Cato Sinna Maqaddoosinna. is intem, ” atu fanti karmat yan num tekkek, yoo ibbixaay yoo idnis.”
sanatah reeda cabe wayte madqak iroh yan butta tawak tigray elle sugah xinto diiriyaanam kee rakaakay dibuk miraacisaanam fanat bohoy le.
Ta Caagiidal Inkih Qagaaqagitak Raddem Takkay Ikkah, Medemer Doolat Ityoppiyak Siyaasah Aracal Inkittinaane, Qokoluuy, Sitta Lih Leeddam Baahoonuh Abak Geytiman Macal Caddol Kaxxa Caddo Lem Kinnim Warsen.
Tah kaaduk qagaaqagitak salaam seeco abak ummatta salaam le mano kee sarrimaane le salaam fan akah tadaarennah bicale caalat ginnimtem cubbit haanam faxximta.
Takkay Ikkah Awayih Uddur Madqah Dacayri Cinak Tigray Ummattah Salaam Fayxi Hangi Haak, Madqak Iroh Tan TPLF Butta Inki Addah Rakaakay Ummattah Baxsale Umaadoobal Meysitak Geytimta.
Medemer Doolat Qagaaqagitak Salaamah Seeco Abak, Qeebi Kee Boodut Biyaakitte Tigray Ummattah Rooci Cattuh Leh Tan Maqarle Fayxi Tascasse.
Tah inkih akah takkem tigray ina kee baxa qagitak carbit radde akke waytaah, salaamah cullaah tawqem duuddah.
Doolat digga luk taaminem tigray ummatta ityoppiyak exxak teyna kinnim kee tet amo baxxaaqak aybalaalaqa kinnim qaddosen.
kaadu ummattah salaam albaabitte qagaaqagitak fakteh tan. Takkay ikkah, madqak iroh tan butta carbi karambo soolisseh matan.
Ta butta tigray qunxxaaneyta qasbâ gabat culsak gersi qidimih bicat geytimtam manggo astooti tambulle.
Rakaakay addal tan qunxaaneyta kee adoytit kinni way caylat kee meysissa gurral gasoosah culsaanam nuble.
Ayyunta gersi ityoppiyah tooboko kee maqanxix saduh boodisak tet lowsiisih gubat yan retteemal naqabi aydaadittee kee carbi boroboganda baarluk baxcisak geytimta.
Ummattah ruuben maaqidda kee siraglele cato, gaadule kee carbi bicah edde yantifiqeenim qagaaqagitak diggoysen.
Ta xayyos butta carbi kee taqabi sinnim mannowtam duude waytam kee tigray ummattah caabi kee siyaasah catotta abak geytimtaamih sumaaqa kinni.
Tigray ummatta butta digloh ajenxa cedak sinni kee sinni xayloh sarrimaane butta digloh yan gitaak cataanam faxximta.