ግብርና እና የከተማና መሠረተ ልማት ሚኒስቴሮች ድጋፍ ለሚሹ የኅብረተሰብ ክፍሎች ያስገነቧቸውን መኖሪያ ቤቶች አስረከቡ

ግብርና ሚኒስቴር በአማራ ክልል መራዊ ከተማ ድጋፍ ለሚሹ አምስት አባወራዎች ያስገነባቸውን መኖሪያ ቤቶች አስረክቧል፡፡

የርክክብ መርሃ-ግብሩም የአማራ ብሔራዊ ክልላዊ መንግስት አመራሮች እና የመራዊ ከተማ ነዋሪዎች በተገኙበት ተካሂዷል፡፡

የተገነቡት ቤቶች ለአንድ ቤተሰብ የሚያስፈልጉትን መሠረታዊ ፍላጎቶችን ያሟሉ እና ዘመናዊ ሆነዉ የተገነቡ ሲሆን፥ ከ5 ሚሊየን ብር በላይ ወጪ እንደተደረገባቸው ተገልጿል።

በተመሳሳይ÷ የከተማና መሠረተ ልማት ሚኒስቴር በአዲስ አበባ ጉለሌ ክፍለ ከተማ ያስገነባቸውን መኖሪያ ቤቶች በዝቅተኛ የኑሮ ደረጃ ላይ ለሚገኙ 12 ቤተሰቦች አስረክቧል፡፡

ሚኒስቴሩ ግንባታውን ከኢትዮጵያ ኮንስትራክሽን ባለሥልጣን ጋር በመተባበር ከኢትዮጵያ ኮንስትራክሽን ሥራ ተቋራጮች ማኅበር አባላት በተገኘ የገንዘብ፣ የሙያ እና የአይነት ድጋፍ ማስገንባቱም ነው የተነገረው፡፡

ለቤቶቹ ግንባታ 3 ነጥብ 2 ሚሊየን ብር ወጪ ተደርጓል ነው የተባለው፡፡

ኢትዮጵያን፦ እናልማ፤ እንገንባ፤ እንዘጋጅ

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!