አዲስ አበባ፣ የካቲት 21፣ 2014(ኤፍ ቢ ሲ) በአዲስ አበባ ሁሉም አባላት የሚሳተፉበትና በቅርቡ የሚካሄድ የብልፅግና ፓርት ጉባዔ አካል የሆነ የመሠረታዊ ፓርቲ ኮንፈረንስ በመካሄድ ላይ ነው።
ኮንፈረንሶችን በተመለከተ የአዲስ አበባ ብልፅግና ፓርቲ ጽህፈት ቤት ኃላፊ አቶ መለሰ ዓለሙ መግለጫ ሰጥተዋል።
አቶ መለሰ በመግለጫቸው በ1 ሺህ 860 መሠረታዊ ፓርቲ እየተከናወኑ ያሉ ኮንፈረንሶች በዋናነት ከጉባኤ ዝግጅት ጋር የሚያያዙ ሲሆን የጉባኤ ተሳታፊዎችም የሚመርጡበት እንደሆነ ገልጸዋል።
በተጨማሪም በቀጣይ ለሚኖረው የፓርቲ ጉባኤ የሚያስቀምጣቸውን መሠረታዊ አቅጣጫዎች ላይ ቅድመ ውይይት ያደርጋሉ ያሉ ሲሆን፥ የዚህ ኮንፈረንስ ፋይዳው በፓርቲው ውስጥ የውስጠ ፓርቲ ዴሞክራሲን ለማረጋገጥ የሚያግዝ መሆኑንም ገልጸዋል።
የብልፅግና ፓርቲ በቅርቡ በምርጫ ተሳትፎ ከህዝቡ ያገኘው ድምጽ ዕድል መሆኑን በመግለጽ ይህ ዕድል ሀገራዊ ሀላፊነት ለመወጣት የተገኘ ዕድል መሆኑን ነው የተናገሩት።
ይህ ጉባኤ የፓርቲውን አላማ ለማሳካት የሚያስችል የፓርቲ ቁመና የማጠናከርና ፓርቲው በህዝብ የተመረጠ ስለሆነ ከህዝብ የሚጠበቀውን ሀላፊነት ለመወጣት የሚያስችል ቁመና እንዲይዝ የማድረግ ሀላፊነት ያለው ጉባኤ እንደሆነም መግለፃቸውን ከአዲስ አበባ ብልፅግና ፓርቲ ያገኘነው መረጃ ያመላክታል፡፡
ፓርቲው አሁን ሀገሪቱ ያለችበትን ደረጃ በሚመለከት ያጋጠሙ እና እያጋጠሙ ያሉ በርካታ ፈተናዎች መሻገር የሚያስችል የአመራር ብቃት ሊያረጋግጡ የሚችሉ ጉዳዮችን በተመለከተ በጥልቀት በማየት ከለውጡ ጋር ተያይዞ እና ብልጽግና ፓርቲ እውን ከሆነ በኋላ እንደዚሁም በምርጫ ያገኘውን ድምጽ በሚመለከት የሰራቸውን ስራዎች እና ጥንካሬዎች ለማጠናከር፤ በዚህ ሂደት የነበሩ ጉድለቶቾን በተመለከተ የሚፈቱበትን አቅጣጫዎች ጉባኤው ያስቀምጣል።
አሁን የሚያጋጥሙ ፈተናዎችን ለመሻገር የሚያስችል ብቁ አመራርና አሠራር ለማረጋገጥ የሚያስችል ጉዳዮችን በሚመለከት በዝርዝር ተወያይቶ ጠቃሚ ጉዳዮችን ያቀርባል ተብሎ ይጠበቃል፡፡
ኢትዮጵያን፦ እናልማ፣ እንገንባ፣ እንዘጋጅ
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!