የጅማ ዩኒቨርሲቲ 200 አልጋዎቹ ያለት የኮቪድ-19 የህክምና ማዕከል አዘጋጀ

300 የህክምና ባለሙያዎች ስልጠና መውሰዳቸውን ያስታወቁት በዩኒቨርስቲው የህክምና ኢንስቲትዩት ዋና ዳይሬክተር ዶክተር ሙሀመድ አባ መጫ ለማዕከሉ የሚያስፈልጉ የላብራቶሪ፣ መካኒካል ቬንትሌተርና ሌሎች የህክምና ቁሳቁሶች መሟላታቸውን ጠቁመዋል።

የጅማ ዩኒቨርሲቲ ፕሬዚዳንት ዶክተር ጀማል አባ ፊጣ በበኩላቸው ሳኒታይዘርና ቫይረሱን ለመከላከል የሚያግዙ ሌሎች ግብአቶችን ለማዘጋጀት ችግር ፈቺ ምርምሮች እየተደረጉ ነው ብሏል።

ከዚህም በተጨማሪ ከባለሀብቶችና ከዩኒቨርሲቲ ማህበረሰብ ጋር በመሆን ተጋላጭ የሆኑ የጎዳና ተዳዳሪዎችን ከቤተሰቦቻቸው የማገናኘት ስራ እየተሰራ መሆኑን ተናግራል።
በጅማ ዩኒቨርሲቲ ህክምና ማዕከል የተዘጋጀው የኮቪድ 19 ማከምያ ማዕከል በዚህ በሳምንት መጨረሻ ላይ አገልግሎት እንደሚጀምር ፕሬዚዳንቱ ገልፀዋል።
በሙክታር ጠሃ