የሴቶች ተሃድሶ እና ክህሎት ማበልፀጊያ ማዕከል ግንባታ እየተጠናቀቀ ነው-ከንቲባ አዳነች

ማዕከሉ ያለበት ደረጃ መገምገሙን ከንቲባ አዳነች አቤቤ በማህበራዊ ትስስር ገፃቸው ባሰፈሩት ጽሑፍ ገልጸዋል፡፡

በተለያዩ ምክንያቶች ለማህበራዊ ችግሮች እና ለወሲብ ንግድ የተጋለጡ እህቶች ተሃድሶ በመስጠት መልሶ ለማቋቋም እየተገነባ ያለዉ የሴቶች ተሃድሶ እና ክህሎት ማበልፀጊያ ማዕከል በመጠናቀቅ ላይ እንደሚገኝም ገልፀዋል፡፡

ማዕከሉ በየዓመቱ እስከ 10 ሺህ ለሚደርሱ የጎዳና ሴቶች ስልጠና በመስጠት በዘላቂነት እንዲቋቋሙ እና ገቢ እያገኙ እራሳቸውን እንዲችሉ እንደሚያግዝ ነው የተመላከተው፡፡

በውስጡም የተሃድሶ ስልጠና የሚሰጥባቸው የክህሎት ማበልፀጊያ፣ የማሰልጠኛ ማዕከላት ፣ የስነ ልቦና እና ምክር አገልግሎት፣የህክምና ማእከል ፣ ማደሪያ ፣ መመገቢያ አዳራሾች እንዲሁም የስፖርት ማዘውተሪያ እና የመዝናኛ ስፍራዎች መካተታቸው ተመላክቷል፡፡