የአካባቢ ብክለትን ለመከላከል ሁሉም የበኩሉን ሊወጣ ይገባል

Adimasu Aragawu

7 hours ago

አዲስ አበባ፣ ሰኔ 14፣ 2017 (ኤፍ ኤም ሲ) የአካባቢ ብክለትን ለመከላከል ሁሉም የበኩሉን ሊወጣ ይገባል አሉ የኢፌዲሪ አካባቢ ጥበቃ ባለስልጣን ዋና ዳይሬክተር ሌሊሴ ነሜ፡፡

“ጽዱ ኢትዮጵያን ባህል ማድረግ” በሚል መሪ ሃሳብ ሁለተኛው ዙር አስተዳደር አቀፍ የአካባቢ ብክለት መከላከል ንቅናቄ ማስጀመሪያ መርሐ ግብር በድሬዳዋ ተካሂዷል፡፡

ዋና ዳይሬክተሯ በዚህ ወቅት÷ የአካባቢ ብክለት አሁን ላለው የጤና እክል ዋነኛ መንስኤ መሆኑን ገልጸው፤ ብክለቱን ለመከላከል ሁሉም የበኩሉን ሊወጣ ይገባል ብለዋል።

የድሬዳዋ አስተዳደር ከንቲባ ከድር ጁሀር በበኩላቸው÷ የአየር ንብረት ለውጥ በዓለም ላይ ተጽዕኖ እያሳደረ ባለበት በዚህ ወቅት ለአካባቢ ጥበቃና ለጽዱ ኢትዮጵያ ልዩ ትኩረት መሰጠቱን አንስተዋል፡፡

አረንጓዴ አሻራ ለድሬዳዋ ከተማ የህልውና ጉዳይ መሆኑንም ጠቁመዋል፡፡

በምንያህል መለሰ

ፈጣን እና ወቅታዊ መረጃዎችን ለማግኘት፡-