ቆሻሻን በአግባቡ በማስወገድ ጽዱ ሀገርን ለትውልድ ለማስተላለፍ እየተሰራ ነው

Melaku Gedif

7 hours ago

አዲስ አበባ፣ ሰኔ 18፣ 2017 (ኤፍ ኤም ሲ) ሁለተኛው ዙር ክልል ዓቀፍ የጽዱ ኢትዮጵያ ንቅናቄ ማስጀመሪያ መርሐ ግብር በማዕከላዊ ኢትዮጵያ ክልል ሆሳዕና ከተማ ተካሂዷል።

የአካባቢ ጥበቃ ባለስልጣን ዋና ዳይሬክተር ሌሊሴ ነሜ (ኢ/ር) በዚህ ወቅት እንዳሉት ÷ ጽዱ ኢትዮጵያን ባህል ማድረግ ከሁሉም ዜጋ የሚጠበቅ ተግባር ነው፡፡

የአካባቢ ብክለት የሚያደርሰውን ሁለንተናዊ ጉዳት ለማስቀረት በአንደኛው ምዕራፍ በተከናወኑ ተግባራት ዘርፈ ብዙ ውጤት ማስመዝገብ ተችሏል ብለዋል፡፡

በንቅናቄው የፕላስቲክ፣ አፈር፣ ውሃ፣ የድምፅ እና የአየር ብክለቶችን በመከላከል ጽዱ ኢትዮጵያን ለማረጋገጥ በትኩረት እንደሚራሰራ አስረድተዋል፡፡

ለተግባራቱ ውጤታማነትም ሁሉንም ሕብረተሰብ ባሳተፈ መልኩ በትብብር መስራት ይገባል ነው ያሉት፡፡

የክልሉ ደን፣ አካባቢ ጥበቃና ልማት ቢሮ ኃላፊ አቶ አብርሃም መጫ በበኩላቸው ÷የአካባቢ ብክለት ማህበራዊና ኢኮኖሚያዊ እንቅስቃሴ ላይ የሚያሳድረው አሉታዊ ተፅዕኖው ከፍተኛ መሆኑን ተናግረዋል።

ሕብረተሰቡን ከተላላፊና ተላላፊ ካልሆኑ በሽታዎች ለመጠበቅም አካባቢን ጽዱ፣ ምቹና ለኑሮ ተስማሚ ማድረግ እንደሚገባ ለፋና ዲጂታል ተናግረዋል፡፡

በወንድማገኝ ጸጋዬ

ፈጣን እና ወቅታዊ መረጃዎችን ለማግኘት፡-