ከተማችንን የምንሰራት ጤናማ ትውልድ እንዲገነባ፣ እንዲረከባት እና እንዲያበለፅጋት ነው – ከንቲባ አዳነች አቤቤ

Adimasu Aragawu

3 days ago

አዲስ አበባ፣ ሐምሌ 19፣ 2017 (ኤፍ ኤም ሲ) ከተማችንን የምንሰራት ጤናማ ትውልድ እንዲገነባ፣ እንዲረከባት እና እንዲያበለፅጋት ነው አሉ የአዲስ አበባ ከተማ ከንቲባ አዳነች አቤቤ።

ከተማ አስተዳደሩ በ2017 በጀት ዓመት ከገነባቸው 28 የጤና ፕሮጀክቶች መካከል 22 ያህሉን በዛሬው ዕለት በማስመረቅ ለአገልግሎት ክፍት አድርጓል።

ፕሮጀክቶቹ የተመረቁት በሁሉም ክፍለ ከተሞች ሲሆን÷ ለአገልግሎት ክፍት የተደረጉ የጤና ጣቢያዎች ከወትሮው በተለየ ሁኔታ ከመጀመሪያ ደረጃ ሆስፒታል አገልግሎት ጋር እኩል ደረጃ ያላቸው እንደሆኑ ከንቲባዋ አዳነች ተናግረዋል።

ጤና ጣቢያዎቹ የሚሰጡት አገልግሎት ጥራት ከፍ እንዲል ከ4 ቢልየን በላይ ወጪ የተደረገባቸው በዘመናዊ የህክምና መሳሪያ ግብአት እና ባለሙያዎች ጭምር እንዲደራጁ ተደርገዋልም ነው ያሉት።

እነዚህም ለከተማችን ነዋሪዎች ጥያቄዎች ምላሽ የሚሰጡ፣ ፍትሃዊ የጤና አገልግሎት ተጠቃሚነትን የሚያረጋግጡ እንዲሁም በቅንነት፣ በትጋት እና በታማኝነት የማገልገል ማሳያችን መሆናቸውን አብራርተዋል።

ፕሮጀክቶቹ በጥራትና በፍጥነት ተጠናቅቀው ለሕዝብ አገልግሎት እንዲበቁ ላደረጉት በሙሉ ከንቲባዋ ምስጋና ማቅረባቸውን የከተማ አስተዳደሩ ኮሙኒኬሽን ለፋና ዲጂታል ገልጿል።

ፈጣን እና ወቅታዊ መረጃዎችን ለማግኘት፡-