የሚድሮክ ሳምንት አውደ ርዕይ ከነሐሴ 26 ጀምሮ ይካሄዳል

አውደ ርዕዩ ሚድሮክ ከማህበረሰቡ ጋር ያለውን ትስስር ለማጠናከር ያለመ መሆኑን የግሩፑ ኮሙኒኬሽንና ፕሮሞሽን ዳይሬክተር አቶ ሁናቸው ታዬ ዛሬ በሰጡት መግለጫ ተናግረዋል።

ግሩፑ ከማህበረሰቡ ጋር ያለውን ትስስር ለማጠናከርና ቀጣይ የትኩረት መስኮችን ለማሳወቅ ያለመ አውደ ርዕይ መሆኑንም አንስተዋል።

በአውደ ርዕዩ የሚድሮክ ግሩፕ ድርጅቶች ምርትና አገልግሎታቸውን ይዘው በመቅረብ የገበያ ትስስር እንደሚፈጥሩም አመልክተዋል።

ከፍተኛ የመንግስት ስራ ኃላፊዎች እና የምጣኔ ሀብት ባለሙያዎች የሚሳተፉበት የፓናል ውይይት እንደሚደረግም ተገልጿል።

በዮናስ ጌትነት