ቼልሲ ከአርሰናል የሳምንቱ ተጠባቂ ጨዋታ…

ምሽት 1 ሰዓት ከ30 በሚከናወነው ጨዋታ ሁለቱ የለንደን ክለቦች የሚያደርጉት ፍልሚያ ተጠባቂ ነው፡፡

በሊጉ 1ኛ እና 3ኛ ደረጃ ላይ የሚገኙት ሁለቱ ክለቦች በሳምንቱ አጋማሽ በአውሮፓ ሻምፒየንስ ሊግ ተጋጣሚዎቻቸውን ማሸነፋቸው ጨዋታውን ተጠባቂ አድርጎታል፡፡

አርሰናል በሊጉ ባደርጋቸው12 ጨዋታዎች ዘጠኙን በማሸነፍ እና ሁለቱን አቻ በመውጣት እንዲሁም አንድ ጊዜ ብቻ በመሸነፍ በ29 ነጥብ ሊጉን እየመራ ይገኛል፡፡

የምዕራብ ለንደኑ ቼልሲ በበኩሉ በ23 ነጥብ 3ኛ ደረጃ ላይ የሚገኝ ሲሆን÷ በትላልቅ ጨዋታዎች ላይ የሚያሳየው እንቅስቃሴ ለአርሰናል ብርቱ ተፎካካሪ ሊሆን እንደሚችል ተገምቷል፡፡

የከተማ ተቀናቃኞቹ በታሪካቸው195 ጊዜ የተገናኙ ሲሆን ÷77 ጊዜ አርሰናል ሲያሸንፍ፣ ቼልሲ 66 ጊዜ አሸንፏል፤ 56 ጊዜ ደግሞ በአቻነት ጨዋታውን አጠናቅቀዋል፡፡

አርሰናል የነጥብ ልዩነቱን ለማስቀጠል እንዲሁም ቼልሲ በሊጉ የፉክክር ሒደት ውስጥ ለመቆየት የሚያደርጉት ፍልሚያ ይጠበቃል፡፡

ባለፉት ዓመታት 6 ጊዜ ወደ ስታምፎርድ ብሪጅ ያቀኑት መድፈኞቹ አንድም ጊዜ ሽንፈት ያላስተናገዱ ሲሆን÷ አርሰናል ለመጨረሻ ጊዜ በቼልሲ ሽንፈት የገጠመው በ2021 ነሐሴ ወር ላይ ነበር፡፡

የሊጉ መርሐ ግብር ቀደም ብሎ 9 ሰዓት ላይ ክሪስታል ፓላስ ከማንቼስተር ዩናይትድ በሚያደርጉት ጨዋታ ይጀመራል፡፡

ምሽት 11 ሰዓት ከ05 አስቶንቪላ ከወልቭስ፣ ዌስትሃም ዩናይትድ ከሊቨርፑል እንዲሁም ኖቲንግሃም ፎረስት ከብራይተን ጨዋታቸውን ያደርጋሉ፡፡

በአቤል ነዋይ