የምርጫ ቁሳቁሶች በሁሉም የምርጫ ክልሎች ደርሰዋል – ምርጫ ቦርድ

የቦርዱ ሰብሳቢ ሜላተወርቅ ኃይሉ ለ7ኛው ጠቅላላ ምርጫ የተከናወኑ የዝግጅት ተግባራትና ቀጣይ ሂደቶች ዙሪያ ለመገናኛ ብዙሀን መግለጫ ሰጥተዋል።

ምርጫው በሚከናወንበት ግንቦት 24 ከወሳኝ አገልግሎት ሰጪ ተቋማት ውጪ ሁሉም የስራ ቦታዎች ዝግ ሆነው መራጮች ድምፅ ይሰጣሉ ብለዋል።

የድምፅ መስጫ ካርዶች ህትመት ተጠናቅቆ ለስርጭት ዝግጁ መሆናቸውን አንስተዋል።

ከ10 ሺህ በላይ እጩዎች መመዝገባቸውንና 80 የሚሆኑ እጩዎች የተቀመጠውን መስፈርት ማሟላት ባለመቻላቸው ከውድድር ውጭ መሆናቸውን ተናግረዋል።

በድምጽ መስጫው ዕለት በየትኛውም የፖለቲካ ፓርቲዎች አባል ያልሆኑ ሦስት ቅሬታ ሰሚ አካላት በምርጫ ክልሎች እንደሚኖሩ ጠቁመዋል፡፡

በዙፋን አምባቸው