አዲስ አበባ፣ ጥቅምት 4፣ 2019 (ኤፍ ኤም ሲ) በአውሮፓ ሻምፒየንስ ሊግ የ2ኛ ዙር መርሐ ግብር በዛሬው ዕለት 9 ጨዋታዎች ይደረጋሉ፡፡
በዚህም ምሽት 4 ሰዓት ላይ ማንቼስተር ሲቲ በሜዳው ኢትሃድ ከፒኤስጂ ጋር የሚያደርገው ጨዋታ ይጠበቃል፡፡
በፕሪሚየር ሊጉ እስካሁን ያደረጋቸውን ጨዋታዎች በሙሉ ድል ያደረገው ማንቼስተር ሲቲ በአውሮፓ ሻምፒየንስ ሊግም ያለመሸነፍ ጉዞውን ለማስቀጠል ወደ ሜዳ ይገባል፡፡
ማንቼስተር ሲቲ በመጀመሪያ ዙር የሻምፒየንስ ሊግ ጨዋታ ወደ ፖርቹጋል አቅንቶ በሃንድ ሁለት ግቦችን ፖርቶን ማሸነፉ ይታወሳል፡፡
ተጋጣሚው የወቅቱ የሻምፒየንስ ሊጉ አሸናፊ ፒኤስጂ በበኩሉ በመጀመሪያ ዙር የሻምፒየንስ ሊግ ጨዋታ ስሎቫን ብራቲስላቫን 6 ለ 1 በሆነ ሰፊ ውጤት ማሸነፉ አይዘነጋም፡፡
ሁለቱ ቡድች እርስበርስ ካደረጓቸው ያለፉት አምስት ጨዋታዎች ማንቼስተር ሲቲ ሦስቱን ሲያሸንፍ ፒኤስጂ በሁለቱ ድል አድርጓል፡፡
የማንቼስተ ሲቲ የቀድሞ አሰልጣኝ ፔፕ ጋርዲዮላ ኢትሃድ በመገኘት ጨዋታውን የሚታደሙ ይሆናል፡፡
አሰልጣኝ ፔፕ ጋርዲዮላ ማንቼስተር ሲቲን ከለቀቁ በኋላ ለመጀመሪያ ጊዜ ኢትሃድ የሚገኙ ይሆናል፡፡
በተመሳሳይ ምሽት 4 ሰዓት ላይ ሪያል ማድሪድ ከሜዳው ውጪ ተጉዞ የጣሊያኑን ክለብ ሮማ ይገጥማል፡፡
ሪያል ማድሪድ በመጀመሪያ ዙር የአውሮፓ ሻምፒየንስ ሊግ ጨዋታ የጣሊያኑን ክለብ ኢንተርሚላን ማሸነፉ ይታወሳል፡፡
በአሰልጣኝ ጆዜ ሞሪኒሆ የሚመራው ሪያል ማድሪድ ተከታታይ ድሉን ለማሳካት ወደ ሜዳ ሲገባ ተጋጣሚው ሮማ በበኩሉ በሻምፒየንስ ሊጉ የመጀመሪያ ድሉን ለማግኘት ይፋለማል፡፡
ቦዶ ግሊምት ከቦርሲያ ዶርትሙንድ፣ ሪያል ቤቲስ ከፖርቶ፣ አስቶንቪላ ከፌነርባቼ፣ ሻካታር ዶኔስክ ከአቴንስ እንዲሁም ስሎቫን ብራቲስላቫ ከስቱትጋርት ሌሎች ምሽት 4 ሰዓት የሚደረጉ ጨዋታዎች ናቸው፡፡
ከእነዚህ ጨዋታዎች አስቀድሞ ምሽት 1 ሰዓት ከ 45 ላይ ላስክ ከሊቨርፑል እንዲሁም ፌይኖርድ ከኮሞ ይገናኛሉ፡፡