የሀገር መከላከያ ሠራዊት፤ የነጻነትና ሉዓላዊነት ምሰሶ

አዲስ አበባ፣ ጥቅምት 7፣ 2019 (ኤፍ ኤም ሲ) በኢትዮጵያ ታሪክ ውስጥ የሀገር መከላከያ ሠራዊት የሉዓላዊነት ዋስትና እና የሀገራዊ አንድነት ዋና ምሰሶ ነው፡፡

ሰላምና አንድነትን ለማስከበር የሚከፍለው መስዋዕትነት ሁልጊዜም በታሪክ መዝገብ ላይ በደመቀ ቀለም ተጽፎ ይኖራል። በዓለም አቀፍ ተልዕኮ ስርም ሲሰማራ ለሀገራት የሰላም ዘብ መሆን የቻለ ኩሩ ሠራዊት ነው።

ከለውጡ ዓመታት ወዲህ በተደረገው መሠረታዊ የሪፎርም ሥራ፣ ሠራዊቱ ከማንኛውም የፖለቲካ እና የብሔር ወገንተኝነት የጸዳ፣ ኢትዮጵያን እና ኢትዮጵያውያንን ብቻ ማዕከል ያደረገ ኃይል ሆኖ ዳግም ተገንብቷል።

የሀገርን ክብርና የህዝብን ደህንነት ለማስጠበቅ ሲል የከበረ ህይወቱን ጭምር አሳልፎ ለመስጠት ወደኋላ የማይመለስ ታማኝ ኃይል ነው።

ይህ ሠራዊት የኢትዮጵያ የረጅም ዘመን ታሪክ፣ የነጻነት እና የሉዓላዊነት መገለጫ አርማ ነው።

የኢትዮጵያ የሀገር መከላከያ ሠራዊት የኢትዮጵያ የህልውና እና የኩራት መሠረት ሲሆን፣ ሀገሪቱ ዛሬም ሆነ ነገ በሉዓላዊነቷ ኮርታ እንድትቀጥል የሚያደርገው ይኸው በጽናት የተገነባው የጀግኖች ስብስብ ነው።

በዓለም አቀፍ ደረጃም ጭምር በተለያዩ የሰላም ማስከበር ተልዕኮዎች ላይ በመሳተፍ የኢትዮጵያን ስም በክብርና በዲስፕሊን ያስጠራ፣ ታማኝነቱ ለህዝብና ለህገ መንግሥቱ የሆነ ብሔራዊ ኩራት ነው።

ይህ ጀግና ሠራዊት በማናቸውም አስቸጋሪ መልክዓ ምድር ውስጥ ጠላትን የማንበርከክ ብቃቱ ከዘመናዊ ቴክኖሎጂ አጠቃቀሙ ጋር በጥብቅ የተዋሐደ ሲሆን፤ የጠላትን የጥቃት ሞገዶች ከማምከንም አልፎ ኢትዮጵያ በቀጣናው ያላትን የጂኦ-ፖለቲካዊ የኃይል ሚዛን የበላይነት ያረጋገጠ ነው።

የኢትዮጵያ የሀገር መከላከያ ሠራዊት ከማንኛውም ወገንተኝነት ነጻ በመሆን የሀገርን ሰላምና የዜጎችን ደህንነት ማስከበር ዋና ዓላማው አድርጎ በጽናት ቆሟል።

የኢትዮጵያ የሀገር መከላከያ ሠራዊት አባላት የሚገጥማቸውን ማንኛውንም የተፈጥሮም ሆነ የሰው ሰራሽ ፈተና በጽናት ያሸንፋሉ።

#ኢትዮጵያ #ትልቅሀገር #ትልቅሕዝብ #ታላቅርዕይ