ም/ከ አዳነች አቤቤ የመስቀል አደባባይ ፕሮጀክት ግንባታ ላይ ለተሳተፉ አካላት የምስጋና የእራት ግብዣ አደረጉ

የፕሮጀክቱ ግንባታ ሂደት ለሌሎች ፕሮጀክቶች ልምድ እና ተሞክሮ የሚሆን ነው ያሉት ምክትል ከንቲባ አዳነች ÷ በተለየ ፍጥነት እና ብርታት ፕሮጀክቱ በተባለው ጊዜ ውስጥ እንዲጠናቀቅ ላስቻሉ አካላት ምስጋናቸውን አቅርበዋል።

የፕሮጀክቱ ቀሪ የማጠናቀቂያ ስራዎችም በተጀመረው ፍጥነት እና ጥራት እንደሚጠናቀቅ ያላቸውን ጽኑ እምነት ገልጸዋል ።

በምስጋና የእራት ግብዣ መርሃ ግብሩ ላይ ምክትል ከንቲባ አዳነች አቤቤን ጨምሮ አቶ ጃንጥራር አባይ ፣ የፕሮጀክቱ አስፈጻሚ አካላት ከፍተኛ አመራሮች እንዲሁም በፕሮጀክቱ ላይ በተለያየ ሙያ የተሳተፉ የግንባታ ባለሙያዎች መሳተፋቸውን ከከንቲባ ጽህፈት ቤት ፕሬስ ሴክተሪያት ቢሮ ያገኘነው መረጃ ያመላክታል።

#FBC
የዜና ሰዓት ሳይጠብቁ የፋና ብሮድካስቲንግ ኮርፖሬትን ትኩስ እና ሰበር ዜናዎችን በፍጥነት በአጭር የፅሁፍ መልዕክት መልክ በስልክዎ ላይ እንዲደርስዎ ወደ 8111 OK ብለው ይላኩ።