በሰበታ ከተማ የተገነባው ዲማ ማኞ አንደኛ ደረጃ ትምህርት ቤት ተመረቀ

ከተማ አስተዳደሩ በዘንድሮው በጀት አመት 171 ተጨማሪ ክፍሎች መገንባቱን የከተማ አስተዳደሩ ከንቲባ አቶ ብርሀኑ በቀለ ገልፀዋል።

ትምህርት ቤቶቹ በከተማ አስተዳደሩ እና በባለሀብቶች እንዲሁም በህብረተሰቡ የበጎ ፈቃድ መርሀ ግብር የተገነቡ መሆኑም ተገልጿል።

በዛሬው እለትም በሰበታ ከተማ አስተዳደር ዲማ ማኞ አንደኛ ደረጃ ትምህርት ቤት በኢስት አፍሪካ ቦትሊንግ ግሩፕ የተገነቡ ተጨማሪ ስምንት የማስፋፊያ የመማሪያ ክፍሎች እና ቤተ መጽሃፍት ተመርቀዋል።

ከተማ አስተዳደሩም ለማስፋፊያ ስራዎቹ ከ81 ሚሊየን ብር በላይ መድቦ ሲሰራ መቆየቱም ተነግሯል።

በትምህርት ሚኒስትሩ ዶክተር ኢንጅነር ጌታሁን መኩሪያ የተመራ ልዑክ በሰበታ ከተማ አስተዳደር በ2013 በጀት አመት የኮሮና ቫይረስን እየተከላከሉ ትምህርት መጀመር የሚያስችል የቅድመ ዝግጅት እና የማስፋፊያ ስራዎች እየተጎበኘ ይገኛል።

ልዑኩ ከትምህርት ሚኒስቴር እና ከኦሮሚያ ትምህርት ቢሮ የተውጣጡ ከፍተኛ አመራሮችን ያቀፈ ነው።

በትዝታ ደሳለኝ

#FBC
የዜና ሰዓት ሳይጠብቁ የፋና ብሮድካስቲንግ ኮርፖሬትን ትኩስ እና ሰበር ዜናዎችን በፍጥነት በአጭር የፅሁፍ መልዕክት መልክ በስልክዎ ላይ እንዲደርስዎ ወደ 8111 OK ብለው ይላኩ።