የአውሮፓ ህብረት በህዳሴው ግድብ ዙሪያ ሶስቱ ሀገራት በአፍሪካ ህብረት አሸማጋይነት እያደረጉት ላለው ድርድር ሙሉ ድጋፍ እንደሚያደርግ ገለጸ

ከ250 ሚሊየን ህዝብ በላይ በሚኖርበት በአባይ ተፋሰስ ቅድሚያ የሚሰጠው ሊደገፍ የሚገባውም ድርድር ብቻ ነው ብለዋል።

በመሆኑም ኢትዮጵያ ግብፅና ሱዳን በወቅቱ የአፍሪካ ህብረት ሊቀመንበር ደቡብ አፍሪካ አማካኝነት እየደረጉ ያሉትን ድርድር ህብረቱ እንደሚደግፍ የአውሮፓ ህብረት ከፍተኛ ተወካይ ጆሴፕ ቦሬል ገልፀዋል።

ግዜው እንዲህ ዓይነቱ ድርድር ለመደገፍ የምንነሳበት እንጂ አላስፈላጊ ውጥረት በቀጠናው እንዲፈጠር የምናደርግበት ጊዜ አይደለምም ነው ያሉት ።

ለዚህም የአውሮፓ ህብረት በደቡብ አፍሪካ አደራደሪነት ሶስቱ ሀገራት ልዩነታቸውን በውይይት ለመፍታት የሚያደርጉትን ጥረት ሙሉ በሙሉ ይደግፋል ሲሉ ገልጸዋል።