ጃን ሜዳን ለጥምቀት በዓል ዝግጁ እንዲሆን ለተሳተፉ አካላት የምስጋና እና እውቅና መርሃ ግብር ተካሄደ

የዕውቅና እና የምስጋና መርሃ ግብሩን በአዲስ አበባ ሀገረ ስብከት የሰንበት ትምህርት ቤቶች አንድነት አዘጋጅቶታል።

በመርሃ ግብሩ የቅዱስ ሲኖዶስ ዋና ጸሃፊ እና የሲዳማ ሀገረ ስብከት ሊቀ ጳጳስ ብጹዕ አቡነ ዮሴፍ፣ የአዲስ አበባ እና የጉራጌ ሀገረ ስብከት ሊቀ ጳጳስ ብጱዕ አቡነ መልከ ጸዲቅ፣ በምክትል ከንቲባ ማዕረግ የአዲስ አበባ ከተማ ስራ አስኪያጅ አቶ ጥራቱ በየነ ፣ የአዲስ አበባ ትምህርት ቢሮ ሃላፊ አቶ ዘላለም ሙላቱ፣ የአዲስ አበባ ስፖርት ኮሚሽን ኮሚሽነር አቶ በላይ ደጀኔን ጨምሮ ሌሎች ጥሪ የተደረገላቸው እንግዶች ተሳትፈዋል።

ከዚህ ባለፈም በስፍራው በዓሉን በተለመደ መልኩ ለማክበር እንዲቻል ከተማ አስተዳደሩ ከሚመለከታቸው አካላት ጋር በመተባበር በተከታታይ እንዲጸዳ ማድረጉን ነው የገለጹት።

በአሁኑ ወቅትም ጃን ሜዳ የጥምቀት በዓልን በተለመደው መልኩ ማክበር በሚቻልበት ሁኔታ ላይ እንደሚገኝ ገልጸዋል።

ጃን ሜዳ በዓሉን ለማክበር ዝግጁ እንዲሆን ላደረጉት የአዲስ አበባ ከተማ አስተዳዳር ፣የቤተክርስቲያን አባቶች ፣ የመዲናዋ ወጣቶች እና የተለያዩ እምነት ተከታዮች ምስጋና አቅርበዋል።

በመላኩ ገድፍ

ከፌስቡክ ገፃችን በተጨማሪ ወቅታዊ፣ ትኩስ እና የተሟሉ መረጃዎችን ለማግኘት፡-

የፋና ድረ ገጽ https://www.fanabc.com/ ይጎብኙ፤

ተንቀሳቃሽ ምስሎችን ለማግኘት የፋና ቴሌቪዥን የዩቲዩብ ቻናል https://www.youtube.com/c/fanabroadcastingcorporate/ ሰብስክራይብ ያድርጉ

ፈጣን መረጃዎችን ለማግኘት ትክክለኛውን የፋና ቴሌግራም ቻናል https://t.me/fanatelevision ይቀላቀሉ

ከዚህ በተጨማሪም በትዊተር ገጻችን https://twitter.com/fanatelevision ይወዳጁን

ዘወትር ከእኛ ጋር ስላሉ እናመሰግናለን!