ጃፓን ለዳሎታ የመጀመሪያ ደረጃ ት/ቤት የማስፋፊያ ግንባታ ድጋፍ አደረገች

አዲስ አበባ ፣ ጥር 21፣ 2013 (ኤፍ ቢ ሲ) ጃፓን በኦሮሚያ ክልል ገላን ከተማ ለሚገኘው የዳሎታ የመጀመሪያ ደረጃ ትምህርት ቤት የማስፋፊያ ግንባታ ድጋፍ አደረገች።

ለዚህ የማስፋፊያ ግንባታም የድጋፍ ስምምነት የፊርማ ስነ ስርዓት ተካሂዷል።

ስምምነቱን የገላን ከተማ ከንቲባ አህመድ እድሪስ እና በኢትዮጵያ የጃፓን አምባሳደር ኢቶ ታካኮ ተፈራርመዋል፡፡

ለትምህርት ቤቱ የማስፋፊያ ግንባታም ጃፓን 89 ሺህ 944 ዶላር ለግሳለች፡፡

በድጋፉም አራት የማመሪያ ክፍሎች የያዘ ህንፃ ከተሟላ የመማሪያ ክፍል ቁሳቁስ እንዲሁም መፀዳጃ ቤትን በማካተት ይገነባል ተብሏል።

የገለን ከተማ አስተዳደር በከተማዋ ውስጥ ቁጥራቸው እየጨመረ የመጣውን የመዋለ ሕፃናት ትምህርት ፈላጊዎችን ለማስተናገድ የጃፓንን ድጋፍ የጠየቀ ሲሆን ÷የዚህ ፕሮጀክት ትግበራ ልጆቹ በትክክለኛው የመማሪያ አካባቢ እንዲማሩ ያስችላቸዋል ነው የተባለው፡፡