የማዕከላዊ ጎንደር ዞን ለህልውና ዘመቻው 265 ሚሊየን ብር ድጋፍ አደረገ

የዞኑ ዋና አስተዳዳሪ አቶ ወርቁ ኃይለ ማርያም፥ የህውሓት የሽብር ቡድን በሀገራችን ብሎም በክልላችን ላይ የሠነዘረውን የወረራ ሙከራ ለመመከት የዞኑ ህዝብና መንግስት በትብብር እየሰሩ ነው ብለዋል፡፡

በዞኑ እስካሁን ድረስ ከ367 ቀበሌዎች የተወጣጡ ሰልጣኞች ለህልውና ዘመቻው እየሰለጠኑ እንደሆነም ገልፀዋል፡፡

ለህልውና ዘመቻው ከ300 ሚሊየን ብር በላይ ለመሰብሰብ ታቅዶ እስካሁን ድረስ 265 ሚሊየን ብር መሰብሰቡን ነው አቶ ወርቁ ኃይለ ማርያም የተናገሩት፡፡

በማህበረሰብ ስንቅ ደግሞ ደረቅ ሬሽን እና የቀንድ ከብት መሰብሰቡ የተገለፀ ሲሆን÷ ይህም በገንዘብ ሲተመን ከ60 ሚሊየን ብር በላይ ነው ተብሏል፡፡

ከተሰበሰበው ውስጥም እስካሁን ድረስ 24 የቀንድ ከብት እና ከ10በላይ ፍየሎች ለማይ ጋባ ግንባር እንዲሁም 27 የቀንድ ከብት ለሠሜን ጎንደር ዞን አስተዳደር ማስረከባቸውን ገልፀዋል።

የዞኑ የመንግስት ሰራተኞችም በዓመት የሚከፈል ሙሉ የወር ደሞዛቸውን የለገሡ ሲሆን ከዚህም በተጨማሪ በአካል ዘመቻውን ለመቀላቀል ከ300 በላይ የሚሆኑ ሠራተኞች ሰልጥነው እየተጠባበቁ ነው ብለዋል፡፡

በኤልያስ አንሙት

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!