አምባሳደር ተፈሪ መለስ ከእንግሊዝ ፓርላማ የኢትዮጵያ ጉዳይ ቡድን ሊ/መንበር ጋር ተወያዩ

በውይይታቸውም አምባሳደር ተፈሪ የትግራይ ወቅታዊ ሁኔታዎችን የተመለከተ ገለጻ አድርገዋል።

በኢትዮጵያ መንግስት በኩል የሰብዓዊ እርዳታ ተደራሽነትን ለማመቻቸት እንዲቻል የተናጠል የተኩስ አቁም ውሳኔ አስተላልፎ የነበረ መሆኑን አንስተዋል።

አያይዘውም ወቅታዊ የሰብዓዊ እርዳታ አቅርቦት እንዲሁም በክልሉ የሚገኙ የስደተኞችን ሁኔታ የተመለከተ ማብራሪያ ሰጥተዋል።

አምባሳደር ተፈሪ ሽብረተኛው የህወሓት ቡድን በአፋርና አማራ ክልሎች ባደረገው ወረራ ሚሊየኖች መፈናቀላቸውን ጠቅሰው፥ አስቸኳይ የሰብዓዊ እርዳታ አቅርቦት እንዲያደርግ ጥሪ አቅርበዋል።

በተያያዘም ሽብረተኛው የህወሓት ቡድን በአፋርና አማራ ክልሎች የፈጸመው ወረራ ለኢትዮጵያም ሆነ ለቀጠናው አለመረጋጋትን የሚፈጥር መሆኑን ጠቅሰው፥የእንግሊዝ የፓርላማ አባላትም ሆነ መላው የዓለም አቀፉ ማህበረሰብ ማውገዝ አንደሚገባው አጽንኦት ሰጥተው መግለጻቸውን ከውጭ ጉዳይ ሚኒስቴር ቃል አቀባይ ጽህፈት ቤት ያገኘነው መረጃ ያመላክታል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!