ጠ/ ሚ ዐቢይ በግንባር ለመፋለም ማቅናታቸው ለኢትዮጵያ ሉዓላዊነት መከበር የገቡትን ቃል በተግባር ያሳዩበት ነው – ምሁራን

ይህን ተከትሎ ከፋና ብሮድካስቲንግ ኮርፖሬት ጋር ቆይታ ያደረጉት የፖለቲካና የህግ ምሁራን እንዳሉት÷ የጠቅላይ ሚኒስትሩ ውሳኔ አርአያ በመሆን ህዝቡ ለአገር መጽናት የሚያደርገውን ርብርብ በማሳደግ በግንባር ለሚዋደቀው ወታደር ከፍተኛ ወኔን የሚጨምር ነው፡፡

የደብረ ብርሃን ዩኒቨርሲቲ የፖለቲካ ሳይንስ መምህር ዶክተር ደጉ አስረስ÷ ጠቅላይ ሚኒስትር ዐቢይ አሕመድ ለኢትዮጵያ ከእኛ በላይ ከየትም አይመጣም ላሉት ንግግራቸው ተግባሩን የገለጹበት የታሪክ ምእራፍን ገልጠዋል ፤ ይህም ኢትዮጵያን ለማዳን ያላቸውን ቆራጥ ውሳኔ ያሳያል ነው ያሉት።

የድሬዳዋ ዩኒቨርሲቲ የፖለቲካ ሳይንስ ምሁሩ አቶ ሱራፌል ጌታሁን÷ የኢትዮጵያ ፍርስራሽ ላይ የራሱን ጥቅም ሊያስጠብቅ የቋመጠ አሸባሪን ድባቅ ለመምታት የተደረሰ ውሳኔ ነው ያሉ ሲሆን፥ ጠቅላይ ሚኒስትሩ ከአድዋ ጦርነት አንስቶ ለአገር ይከፈል የነበረን የመሪዎች ፊት አውራሪነት ታሪክ ደግመውታል ፤ ይህም ሰራዊቱና ህዝቡ ለበለጠ ድል የሚያነቃቃ ነው ብለውታል ።

በዋነኛነትም ኢትዮጵያውያን ሊያውቁ የሚገባው ሀቅ አገር ሊያፈርስ ቆርጦ ከተነሳ አገርን ለጠላት አሳልፎ ሊሰጥ ካሰፈሰፈ ሀይል ጋር እየተጋፈጥን መሆኑን ዛሬም ማስተዋል አለባቸው ነው ያሉት ።

የጠቅላይ ሚኒስትሩ ውሳኔም ይህንን ሀቅ ገፍቶ የሚያሳይ የኢትዮጵያን አሸናፊነት ለማረጋገጥ የሚያስችል እንደሆነ የተናገሩት ምሁሩ ከራሳቸው ደህንነት በላይ አገራቸውን ያስቀደሙ መሪ መሆናቸውን ለኢትዮጵያውያንም ሆነ ለዓለም ያሳየ ሁነት ነው ብለዋል ።

የወልቂጤ ዩኒቨርሲቲ የህግ መምህር አቶ ሀይሉ ነጋ በበኩላቸው÷ የጠቅላይ ሚኒስትሩ ውሳኔ እኔስ ለአገሬ ምን አደረኩላት ጥያቄን እራሴን እንድጠይቅ ያደረገ ፤ ወደ ግንባር ለመዝመት ወኔ ሆኖኛል ነው ያሉት ።

አገርን ለማፍረስ የተቧደኑ እኩዮችን ድባቅ መምታት የሁሉንም መስዋዕትነት ይጠይቃል ያሉት ምሁሮቹ የፖለቲካ እና የህግ ምሁራኑ ህዝቡ የመሪውን አርአያነት ተከትሎ ወደ ጦር ግንባር አሁኑኑ መዝመት ደጀን ለመሆን ፈጥኖ ይወስን ብለዋል ።

በሀይለኢየሱስ መኮንን

አካባቢዎን ይጠብቁ!

ወደ ግንባር ይዝመቱ!

መከላከያን ይደግፉ!

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!