መስሕባት ቱሪስት ንምስፍሕፋሕ ብሓባር ምስራሕ ይግባእ

ኣዲስ ኣበባ፣ 3 ጥቅምቲ፣ 2018 (ኤፍ ኤም ሲ)መስሕባት ቱሪስት ብዝበለፀ ንምስፍሕፋሕ ብሓባር ምስራሕ ይግባእ ኢሎም ላዕለዋይ በዓል ሞያ ቱሪዝም ኣያሌው ሲሳይ (ዶ/ር)፡፡

እቶም ላዕለዋይ በዓል ሞያ ቱሪዝም ምስ ፋና ፖድካስት ኣብ ዝነበሮም ፃንሒት ከምዝበሉዎ፥ በሪ ባሕሪ ንበፃሕቲ ሓደ መስሕብ ከምዝኾነ ኣብሪሆም፡፡

በፃሕቲ ንሓመሳ፣ ኣብ ጀልባታት ንምዝንጋዕ፣ ኣብ ውሽጢ ባሕሪ ዝርከቡ ከም ዓሳ ነባሪ ዝበሉ እንስሳት ንምርኣይ፣ ከምኡ እውን ካልኦት ኣማራፂታት ኣብ ማይ ክዘናግዑ ይደልዩ፡፡

ነዚ ድማ በሪ ባሕሪ ንዓውዲ ቱሪዝም ሓደ መሰረት ከምዝኾነ ብምሕባር÷ ኢትዮጵያ ኢፍትሃዊ ብዝኾነ መገዲ ዝሰኣነቶ በሪ ባሕሪ ኣብ ቱሪዝም ኢሉ እውን ኣብ ዕቤት ካልኦት ዓውዲታት ኣሉታዊ ፅዕንቶ ከምዘሕደረ ኣብሪሆም፡፡

ኢትዮጵያ ኣብ ዝተፈላለዩ ከባቢታት ዓሚቕ ተፈጥሮኣዊን ሰብ ስራሕን መባፅሕቲ ቱሪዝም ዝወነነት ከምዝኾነት ኣዘኻኺሮም፡፡

ክሌማዊ ለውጢ፣ ኣቀማምጣ መሬት፣ ማያዊ ኣካላትን ካልኦትን ቀልቢ በፃሕቲ ዝስሕቡ ህያባት ተፈጥሮ ኢትዮጵያ ከምዘለዉ ብምሕባር÷ ኢትዮጵያ ኣብ ካልኦት ሃገራት ዘይርከቡ ፍሉያት እንስሳ ዘገዳም ዝርከቡላ ከምዝኾነት ኣመልኪቶም፡፡

ኣብ ዝተፈላለዩ ከባቢታት ዝርከቡ ባህላዊ ክንውናት፣ ሜላ ኣነባብራ፣ ኣመጋግባ፣ ኣከዳድናን ብዙሓት መግለፂታትን ቀልቢ በፃሕቲ ከምዝስሕቡ ኣገንዚቦም፡፡

ብብርሃኑ ኣበራ

ስሉጥን እዋናዊን ሓበሬታ ንምርካብ፦

Facebook FBC Tigrigna

Telegram t.me/tigrignafana ይከታተሉና፡፡

ኩሉ ግዘ ምሳና ስለዝኾንኩም ነመስግን!