ብሄራዊ ባንኪ ዘካየዶ ጨረታ ሸርፊ ወፃኢ ውፅኢት ዕላዊ ኮይኑ

By Desta on October 14, 2025

ኣዲስ ኣበባ፣ 4 ጥቅምቲ፣ 2018 (ኤፍ ኤም ሲ)ብሄራዊ ባንኪ ኢትዮጵያ ዘካየዶ ጨረታ ሸርፊ ወፃኢ ውፅኢት ሎሚ ዕላዊ ኮይኑ።

ኣብ ከይዲ እቲ ጨረታ 31 ባንኪታት ዝተሳተፋ እንትኾና፥ ብመሰረት እቲ ጨረታ ሸርፊ ወፃኢ ዋጋ ሓደ ዶላር ኣሜሪካ ብማእኸላይ 148 ነጥቢ 1007 ብር ብምዃን ተመዝጊቡ ኣሎ።

ብሄራዊ ባንኪ ዕዳጋ ሸርፊ ወፃኢ ብምግምጋም ኣብ ቀፃሊ እውን ተመሳሳሊ ጨረታታት ሸርፊ ወፃኢ ከምዝቕፅል ገሊፁ።

ካብ ኣታዊ ሸርፊ ወፃኢ ዝተወሰነ ንባንክታት ብጨረታ ምቕራቡ ብባንኪታት ዝህሊ ቀረብ ሸርፊ ወፃኢ ብምድጋፍ ምርግጋዕ ዋጋን ሸርፊ ወፃኢን ንክፍጠር ምኽኣሉ እቲ ባንኪ ነቲ ጨረታ ጠሚቱ ኣብ ዘውፅኦ ሓበሬታ ሓቢሩ።

ብሄራዊ ባንኪ ትማሊ 150 ሚሊየን ዶላር ኣሜሪካ ንጨረታ ሸርፊ ወፃኢ ምድላዉ ምግላፁ ይዝከር።

ስሉጥን እዋናዊን ሓበሬታ ንምርካብ፦

Telegram t.me/tigrignafana ይከታተሉና፡፡

ኩሉ ግዘ ምሳና ስለዝኾንኩም ነመስግን!