ንወፃኢ ዕዳጋ ካብ ዝቐረበ ዕጣን ልዕሊ 1 ነጥቢ 6 ሚሊየን ዶላር ኣታዊ ተረኺቡ

ኣዲስ ኣበባ፣ 5 ነሓሰ፣ 2017 (ኤፍ ኤም ሲ)ኣብ ዝተዛዘመ በጀት ዓመት ናብ ወፃኢ ዕዳጋ ካብ ዝቐረበ ፍርያት ዕጣን ልዕሊ 1 ነጥቢ 6 ሚሊየን ዶላር ኣታዊ ተረኺቡ።

መካየዲ ስራሕ ኮሙኒኬሽንን ማሕበራዊ ሓላፍነት ኣመራርሓ ስራሕን ኮርፖሬሽን ስራሕቲ ሕርሻ ኢትዮጵያ ጋሻው ኣይችሉህም፤ 2 ሺሕን 505 ኩንታል ዕጣን ናብ ቻይና፣ ዱባይ፣ ግሪክ፣ ቱኒዝያን ቱርክን ብምልኣኽ ልዕኪ 1 ሚሊየን 641 ሺሕ ዶላር ኣታዊ ከምዝተረኸበ ተዛሪቦም፡፡

260 ኩንታል ዕጣን ናብ ዕጋ ውሽጢ ጋገር ብምቕራብ ልዕሊ 7 ሚሊየን 710 ሺሕ ብር ኣታዊ ከምዝተረኸበ ብምግላፅ÷ በዚ ድማ ኣፈፃፅማ በጀት ዓመት 2017 ምስ ዝሓለፈ ተመሳሳሊ እዋን እንትነፃፀር ሓለፋ ከምዘለዎ ኣልዒሎም፡፡