ኣብቲ ዓውዲ ትራንስፖርትን ሎጂስቲክስን ዝተጀመሩ ስራሕቲ ዲጂታላይዜሽን ርኡይ ለውጢ የምፅኡ ኣለው – በለጠ ሞላ (ዶ/ር)

ኣዲስ ኣበባ፣ 14 ግንቦት፣ 2017 (ኤፍ ኤም ሲ) ኣብ ዓውዲ ትራንስፖርትን ሎጂስቲክስን ዝተጀመሩ ስራሕቲ ዲጂታላይዜሽን ርኡይ ለውጢ እናምፅኡ ምዃኑ ሚኒስትር ኢኖቬሽንን ቴክኖሎጂን በለጠ ሞላ (ዶ/ር) ገሊፆም፡፡

“ብዲጂታል ዝተሓገዘ ትራንሰፖርትን ሎጅስቲክስን” ብዝብል መሪሕ ሓሳብ ተወከልቲ ትካላት መንግስቲ፣ መሓዙት ልምዓት፣ መራሕቲ ኢንዱስትሪን ሰብ ሞያን ዘሳተፈ ዓውደ መፅናዕቲ ተኻይዱ።

ኣብዚ እዋን በለጠ ሞላ (ዶ/ር) ከምዝገለፅዎ፤ ዲጂታል ኢትዮጵያ 2025 ስትራተጂ ርኡይ ለውጢ ካብ ዘምፅኡ ዓውዲታት ትራንስፖርትን ሎጂስቲክስን እቲ ሓደ እዩ፡፡

እቲ ዓውዲ ዲጂታል ንምዝማን ምቸው ኩነታት ምፍጣሩ ብምሕባር÷ መንግስትን ዉልቀ መሓዙትን ግልጋሎት ትራንስፖርት ዘሳልጡ ቴክኖሎጂታት ምትግባሮም ተዛሪቦም፡፡

ዲጂታል ትራንስፖርትን ሎጂስቲክስን ናብ ዲጂታል ኢትዮጵያ 2030 ንዝግበር ስግግር ወሳኒ ብምዃኑ ስራሕቲ ምውዳብ ከጠናኸሩ ከምዝግባእ ምግላፆም ግዜኢ ፀብፂቡ።