ኣብ ኢትዮጵያ ሃፍቲታት ጂኦ ቱሪዝምን ጂኦ ፓርክን ንምልማዕ ይስራሕ ኣሎ

ኣዲስ ኣበባ፣ 4 ግንቦት፣ 2017 (ኤፍ ኤም ሲ) ኣብ ኢትዮጵያ ዝርከቡ ሃፍቲታት ጂኦ ቱሪዝምን ጂኦ ፓርክን ብዝበለፀ ንምልማዕ ብትኹረት እናተሰርሐ ምዃኑ ሚኒስትር ቱሪዝም ሰላማዊት ካሳ ኣፍሊጠን፡፡

ሎሚ ኣብ ዝተኻየደ ወርክሾፕ ጂኦ ቱሪዝምን ጂኦ ፓርክን ኣመልኪቶም እተን ሚኒስትር ንፋና ዲጂታል ከምዝገለፅዎ፤ እቲ መድረኽ ንኢትዮጵያን ዞባ ምብራቕ ኣፍሪካን ዘሎ ጂኦ ቱሪዝምን ጂኦ ፓርክን ግንዛበ ዘጠናኽር እዩ።

ኣብ ውድብ ሕቡራት መንግስታት ብትምህርቲ፣ ሳይንስን ትካል ባህሊ (ዩኔስኮ) ጂኦ ፓርክታት ካብ ዘመዝገባ 50 ሃገራት ኣብ ኣፍሪካ ክልተ ምዃኖም ብምሕባር፤ እዚ ኣብታ ኣህጉር ሃፍቲ ጂኦ ቱሪዝምን ጂኦ ፓርክን ብግቡእ ዘይምርኣዮም ዘርኢ እዩ ኢለን፡፡

ካብተን ክልተ ሃገራት እታ ሓንቲ ኢትዮጵያ ምዃና ዘልዐላ እተን ሚኒስትር፤12 ዝድህሰሱ፣ 6 ዘይድህሰሱን 5 ጥቡቕ ቦታታት ከምዘመዝገቡ ተዛሪበን፡፡

ኣብ ኣፍሪካ ጂኦ ቱሪዝምን ጂኦ ፓርክን ናብ ሃፍትነት ዘይምቕያሮም ቀንዲ ምኽንያታት ኣብቲ ዓውዲ ስራሕቲ ሕፅረት ግንዛበ፣ ምውህሃድን ዓቕሚ ህንፀትን ብዘድልይ መልክዑ ብዘይምስርሑ ምዃኖም ኣረዲኦም፡፡

ኣብዚ ሕዚ እዋን ንዓውዲ ቱሪዝም ትኹረት ምሃቡን ናይቲ ኢኮኖሚ ሓደ ዓንዲ ምግባሩ፤ ንጂኦ ቱሪዝም ንምፅናዕ፣ ንምልማዕን ንምድንፋዕ ተወሳኺ ዕድላት ከምዝፈጥር ኣረዲኤን፡፡

ብሚኪያስ አየለ