ወርሒ ረመዳን ምስ ድኻታት፣ ፅጉማትን ስደተኛታትን ብምፍጋፍ ምሕላፍ ይግባእ – ሼኽ ሓጂ ኢብራሂም ቱፋ

ኣዲስ ኣበባ፣ 28 ለካቲት፣ 2018 (ኤፍ ኤም ሲ)ወርሒ ረመዳን ምስ ድኻታት፣ ፅጉማትን ስደተኛታትን ብሓባር ብምብላዕ፣ ብምስታይ፣ ብምስታይን ብመሕጋዝን ምሕላፍ ይግባእ ኢሎም ፕሬዚዳንት ላዕለዋይ ቤት ምኽሪ ጉዳያት እስልምና ኢትዮጵያ ሼኽ ሓጂ ኢብራሂም ቱፋ፡፡

6ይ ሃገራዊ መርሃ ግብሪ ኢፍጣር ጎደና ሎሚ መዓልቲ ኣብ ከተማ ኣዲስ ኣበባ መስቀል ኣደባባይ ተኻይዱ።

ሼኽ ሓጅ ኢብራሂም ቱፋ ኣብቲ መርሃ ግብሪ ኣብ ዘመሓላለፉዎ መልእኽቲ ሓድነት ብተግባር ዘርኢ መርሃ ግብሪ ኢፍጣር ጎደና ዘሕጉስ ከምዝኾነ ብምግላፅ÷ ወርሒ ረመዳን ናይ ልግሲ ወርሒ ስለዝኾነ ምስ ድኻታት፣ ፅጉማትን ስደተኛታትን ብሓባር ምሕላፍ ይግባእ ኢሎም።

ተኸተልቲ እቲ እምነት ንሃገርና፣ ንወገንና፣ ንኣፍሪካን ንዓለምን ሰላም ዱዓ ክገብሩ ይግባእ ዝበሉ ሼኽ ሓጅ ኢብራሂም÷ ዘለናሉ እዋናዊ ኩነታት ሃገራዊ መረፃ ዝካየደሉ ብምኑ እቲ መረፃ ፍፁም ሰላማዊን ፍትሓዊን ንኽኸውን ምስታፍ ከምዝግባእ ኣገንዚቦም።

ሓላፊ ቤት ፅሕፈት ፕሬዚዳንት ላዕለዋይ ቤት ምኽሪ ጉዳያት እስልምና ኢትዮጵያ ኡስታዝ ኣቡበከር ብግደኦም÷ እዛ ሃገር ኩልና እንትሳተፍ ኢያ ክትዓቢ ትኽእል፤ ልምዓታ፣ ዕቤታ፣ ምዕባለኣ ናትና ስለዝኾነ ናይ ኩልና ተሳትፎ ዝጠልብ ኢዩ ኢሎም።

እቲ ምምሕዳር ከተማን ኣካላት ፀፅታን ነቲ መርሃ ግብሪ ኢፍጣር ናይ ባዕሎም ኣስተዋፅኦ ንዘበርከቱ ኣካላት ምስጋና ኣቕሪቦም፡፡

ኣብቲ መርሃ ግብሪ ላዕለዎት ሓለፍቲ ስራሕ መንግስቲ፣ አምባሳደራት፣ ዲፕሎማሰኛታትን ተኸተልቲ እቲ እምነትን ተረኺቦም።

ብዮናስ ጌትነት

ብሃይማኖት ወንድራድ

ስሉጥን እዋናዊን ሓበሬታ ንምርካብ፦

ብዩትዩብ www.youtube.com/@fmctigrigna

ፌስቡክ Www.facebook.com/tigrignafana

መርበብ ሓበሬታ www.fanamc.com/tigrigna

ቴሌግራም t.me/tigrignafana ይከታተሉና፡፡

ኩሉ ግዘ ምሳና ስለዝኾኑ ነመስግን!