ዳንጎቴ ግሩፕ ዝሓሸ ልምዲ ስለዘለዎ እቲ ኮምፕሌክስ መፍረዪ ዘበናዊ ዱኽዒ ብመሰረት ትልሚ ክዛዘም ኢዩ

ኣዲስ ኣበባ፣ 22 ነሓሰ፣ 2017 (ኤፍ ኤም ሲ)ዳንጎቴ ግሩፕ ዝሓሸ ልምዲ ስለዘለዎ እቲ ኮምፕሌክስ መፍረዪ ዘበናዊ ዱኽዒ ብመሰረት ትልሚ ክዛዘም ኢዩ ኢሉ ሆልዲንግ ኢንቨስትመንት ኢትዮጵያ።

ቀዳማይ ሚኒስትር ኣቢይ ኣሕመድ (ዶ/ር) ኣብ ዝተረኸብሉ ኣብ መንጎ ሆልዲንግ ኢንቨስትመንት ኢትዮጵያን ዳንጎቴ ግሩፕን ሰነድ ስምምዕነት ብፅሒት ኮምፕሌክስ መፍረዪ ዘበናዊ ዱኽዒ ተኸቲሙ ኢዩ።

እቲ ስምምዕነት ጠሚቶም ዋና ኣፈፃሚ ስራሕ ሆልዲንግ ኢንቨስትመንት ኢትዮጵያ ብሩክ ታዬ (ዶ/ር) ከምዝበልዎ፥ እቲ ፋብሪካ ንዜጋታት ዕድል ስራሕ ካብ ምፍጣር ብተወሳኺ ብዙሕ ረብሓ ኣለዎ።

2 ነጥቢ 5 ቢሊየን ዶላር ኢንቨስትመንት ፈሰስ ዝግበረሉ እቲ ፕሮጀክት፥ ኣብ ዓመት ክሳብ 3 ሚሊየን ሜትሪክ ቶን ናይ ምፍራይ ዓቕሚ ኣለዎ ኢሎም።

ብመሰረት እቲ ስምምዕነት፥ ሆልዲንግ ኢንቨስትመንት ኢትዮጵያ 40 ሚኢታዊ ዝተረፈ 60 ሚኢታዊ ናይ ዳንጎቴ ግሩፕ ብፅሒት ከምዝኾነ ገሊፆም።

ዳንጎቴ ግሩፕ ዝሓሸ ልምዲ ስለዘለዎ እቲ ኮምፕሌክስ መፍረዪ ዘበናዊ ዱኽዒ ብመሰረት ትልሚ ክንዛዝሞ ኢና ኢሎም።

ብሶስና ኣለማየሁ

ስሉጥን እዋናዊን ሓበሬታ ንምርካብ፦

Telegram t.me/tigrignafana ይከታተሉና፡፡

ኩሉ ግዘ ምሳና ስለዝኾንኩም ነመስግን!