ጎስጓስ ኢትዮጵያ ተፍሪ ዓቕሚ ኢንዱስትሪ ብምዕባይ ንፅባሕ መሰረት ዘንብር ኢዩ – ፕሬዚዳንት ታዬ ኣፅቀ ስላሴ

ኣዲስ ኣበባ፣ 28 ሚያዝያ፣ 2017 (ኤፍ ኤም ሲ)ጎስጓስ ኢትዮጵያ ተፍሪ ዓቕሚ ኢንዱስትሪ ብምዕባይ ንፅባሕ መሰረት ዘንብር ከምዝኾነ ፕሬዚዳንት ታዬ ኣፅቀ ስላሴ ገሊፆም፡፡

እቶም ፕሬዚዳንት ኣብ ዓለም ለኸ ማእኸል ኮንቬንሽን ኣዲስ እናተኻየደ ዝርከብ ኤክስፖ ኢትዮጵያ ተፍሪ 2017 ምስ ጎብነዩ ኣብ ዝሃቡዎ መብርሂ÷ ድሌት ኢትዮጵያ መፍረያይነት ብምውሳኽ ልዑል ሃገራዊ ዕቤት ምምሕያሽ ከምዝኾነ ተዛሪቦም።

ኣብቲ ኤክስፖ ዝቐረቡ ካብ ቆርበት ዝተሰርሑ ዝተፈላለዩ ፍርያታት ብብርኪ ዓለም መለክዒ ፅሬት ደረጃኦም ዘማልኡ ከምዝኾኑ ከምዝተዓዘቡ ተዛሪቦም።

ጎስጓስ ኢትዮጵያ ተፍሪ ዓለም ለኸ ደረጃኦም ዝሓለዉ ፍርያታት ምፍራይ ካብ ምኽኣሉ ንላዕሊ ንኢትዮጵያ ማእኸል ዕዳጋ ንምግባር ዘስፍሑ ከምዝኾኑ እውን ኣብሪሆም፡፡

ኣፍረይቲ ኢንዱስትሪ ናይ ምፍራይ ዓቕሚ ብምዕባይ ዕድል ስራሕ ዝፈጥርን ፅባሕ ዝሐሸ ንምፍራይ መሰረት ዘንብር ከምዝኾነ ገሊፆም።

ኣብቲ ኤክስፖ ዝተርኣየ ምንቕቓሕ ዓቕሚ ምፍራይ ኢትዮጵያ ከምዝውስኽ ብምሕባር፤ “እቶም ፍርያታት ኢትዮጵያ ናይ ምፍራይ ዓቕሚ ከምዘለዋን ኢንዱስትሪ ተስፋ ፅባሕ እታ ሃገር ከምዝኾነ ዘርኢ ኢዩ” ኢሎም።

ብፍቅርተ ከበደ