Finfinnee, Guraandhala 14, 2018 (FMC) – Boordiin Filannoo Biyyaalessaa Itiyoophiyaa filannoo waliigalaa marsaa 7ffaa irratti leenjiftoota olaanoof leenjii kennuu eegaleera.
Filannoo bilisaa, haqa qabeessaa fi walabaa akka ta’uuf gaheen raawwachiiftootaa olaanaa ta’uu Walitti qabduun boordichaa Meelaatawarqi Hayiluun waltajjicharratti ibsaniiru.
Raawwachiiftoota ga’umsa qabanii fi bu’uura seeraan hojjetan horachuuf leenjichi qooda olaanaa qabaachuu yaadachiisan.
Leenjiftoonni olaanoon 300 ol ta’an leenjicharratti hirmaachaa kan jiran yoo ta’u, galmee filattootaa maanuwaalii fi teeknooloojiin deeggarame akkamitti akka gaggeessan irratti leenjii ogummaa fudhachaa jiru.
Leenjiftoonni olaanoon kunneen leenjichaan booda leenjitoota kuma 5 caalaniif leenjii kan kennan yoo ta’u, isaan ammoo raawwachiiftoota buufataalee filannoo kuma 200 fi kuma 14 caalaan ni leenjisuun eegama.
Alamsaggid Asaayyeetu gabaase
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.