5miiliyeen Koderis Akah Yibbixenih Yanin Ududuruk Naharal Arac Xagte – Naharsi Malaak Dr Abiyyi Acmad

Addis Ababa,Waysuk 04,2018 (FMC) 5miiliyeen Koderis Mafdaga Kah Yibbixen Ududuruk Afal Arac Xageh Yanim Naharsi Malaak Dr Abiyyi Acmad Qaddose.

Tahah Inkih Tan Ityoppiyah Xayloh Unkaqiino Farmo Tatrusem.

Naharsi Malaak Ayyuntiinô Retteemah Guubul Tatruseh Yan Farmol Sidiica Sanatih Addat Arac Xaguh Yibbixen Ikraaro Namma Sanatak Addah Yan Ududurul Gaba Kaltam Xiqqimtem Kassise.

5miiliyeen Ityoppiya Koderis Ditelik 16/ 2016 Liggidah Qimbisimeh Yan Udduruk Qimbisak Kompiet Pirogramingiiy, Oyti Makeelissooy, Anxiroyix Softwerih Daddoosuuy, Artificial intelligensih Rakiibo Baritto 5,005,146 Aydakaakanimeenit Ankuttubuk 3miiliyeenik Daga Takke Maritte Aydakaakan Beyteh Tanim Yescesse.

Waysuk 2018 Liggida Fan Aydakaakanimeenit Ixxima 7miiliyeen Guftuh Ikraarisak Arac Xagtuh Kulli Ityoppiyah Baxi Tahat Kah Yangalennah Seeco Xayyose.

Aydakaakan Duddalennal Currih Yeceenih Yanin way Sumaq Baad Caddol Leh Tanim kee Beeri Xiso Kak Qimbissam Asaaku Kinnim Naharsi Malaak Tatruseh Yan Farmol Qaddose.