Sifra Daqaara Kee Dariifah Ayyunti Radiyoh Xisne Tekke
Addis Ababa,Agda Baxisso 16,2018 (FMC) Asaakih Ayro Awasi Rasuk Sifra Magaalal Gexseenih Yanin Xisneh Koboxol Ayyunti Radiyoh Edde Xinta Faaticiseenih Yaninim Kee Ossotinah 7 Takke Taama Selta Makaado Dooren.
Ta Xisneh Aracal Sifra Daqaarak Naharsi Saqal Gifta Qali Qarba Kee Rakaakayak Mangaafa Rattemak Missoynak Ciggila Saqal Gifta Acmad Kaloyta ittyiopiak Ayyuntino Radio President Kee ittyiopia Mangaafa Rattemah Awlaytu Kee Seeco Akaah Tekke Maglablela Elle Geytimte.
Mangaafa Rattema Daddos Kee Ximokrasi Kee Meqe Xiinisso Xisneh Kaxxa Doori Le.
Tama Ayyunti Radio Darifah Xiinisso Kee Ayyunti Fanat Xayyos Kee Digga Leh Yan Fantaxaw Ginam Kee Darifa Qeemimteh Tan Daddos:-Salaam Kee Ximokrasih Siiratih Xisneh Taamal Issik Doori Leh Yanim Kee Faxximtah Tan Leeda Aracat Gactuh Kaxxa Doori Leh Tanim Qaddowte.
Baxsaluk Yakryeenim Kee Yatkubeenim Dudde Waah Yan Ayyunti Exaxih Oyti Elle Faxximta Innal Gufsoonuh Ayyunti Radio Taceeh Tan Ayfaf Kaxxa Doori Leh Tanim Yescessen.
Amolladih Ayyunti Radio Ayyunti Inki Abuh Yaabam Hinnay Ayyunti Issi Gar Kee Ceelo Axaguk Taamitam Kee Darifa Daddos Ugugus Abaam Xiiqah Yanim Qaddowte.
Ta Ayyunti Radio Faxximah Yan Yaakume Bici Taamoomik Gaba Kalak Xayyi Uddurih Addat Taama Fan Culele Axcuk Qammallan.