Bood Kee rosqâ Milaagut Biyaakitte Ummattah Bicale Duddi Gablusiyyal Taamitta Qusba Cugaysok Aysaxaaaga Gudgud Samarâ Magaalal Gexsen.
Addis Ababa,Qasa Dirri 21,2018 (FMC) Rakaakayak Qaaday Qunxaaneyta Kee Dagar Diigi Biiro Koobahisol Qafar Rakaakayal Boodut Biyaakitte Darifal Yoofeh Yan Hawa Milaagu Kee Uwwayti Taqabi Biyaakitte Ummatta Xisanam Kee Duddi Gablusiyya Wagittamal Taamitah Yan Qusba Cugaysok Aysaxaxag Gudgud Samara Magaala Gexsen.
“Bood Kee Hawa Milaagi Taqabi Biyaakitte Ummatta Bicale Dudda Gablusiyya” Iyya Ammuntal sidiica Sanatah Sugu Waah Yan Cugayso Qeemisisiyyi Tadeera Samara Gexsen.
Tama Cugayso Baxsaluk Aysaqitay,Abqaala Kee Baracale Daqoortil Abbinowu Waah Yanim Qaddowte.
Tama Cugayso 800 Million Takke Mizaaniyyat Akah Yibbixeenih Yaninim Timmixge.
Ittiyoppiyal Booduk Uguttamah Ayyunti Fanat Yaafeh yan Bood Kee Hawa Milaagih Taqabik Sabab Abak gidbih Yan Adan Baxi Qokolih Taqabi Aafuk Geytima.
Baxsaluk Qafar Kee Gabbi Ittiyoppiyah Rakaakayittel Qagaaqagitak Yaafeh Yan Qabar :-Weeqi Qawwalyla Kee Gaddal Rakuh Tan Taqabi Elle Yaafe Rakaakayitte Kinnih Tanim Kassisen.
Tama Cugayso Nado Kee Qaafiyat Ceelo Yoofenta Baarisah Tanim Kee Amolladih Model
Yantifiqeme Nado Takke Ganasaqo Kalalanam Kee Raddi Yaceenim Mano Daddos Mesenkaca Qaafiyat Kee Cata Hora Kee Qunxaaneyta Daddos Kee Salaam Xisne Ayyunta Kee Xisosa Caddol Ayfaf Xayyoysa Diggoysak Wacaysir Fanteenani Kee Sittaluk Hadalta Xisosal Geytima Qunxaaneyta Bicale Arooca Xisanamal Taamitah Tan Cugayso Kinni.
Ta Cugayso Daddos Salaam fantaaxaw Kee Xayyos Sabab Abak Taamitah Tan Cugayso Sissik Fayxi Kee Xeer Wakti Taqabitte Yafdigeh yan Cugayso Kinnih Tanim Rakaakayak Qaaday Qunxaaneyta Kee Dagar Diigi Biirok Ciggila Saqal Gifta Qumar Macammad Duuba Qaddoyse.
Baxaabaxsale Meqem Abittoh Egla Luk Cattimak Duufumeh Yan Ayyunta Kee Bood Kee Hawa Milaagu Biyaakitte Ayyuntih Fanat Xisanam Kee Dudda Gablusiyya Kinnih Tanim Kee Qunxaaneyta Fanteena Abta Cugayso Abinah Taamitanam Kinnih Tanim Dabboh Xiina Missoynak Cugayso Kattat Kee lowsis Officer Gifta Fisum Mangistu Yescesse.
Tama Gudgudut Baxaabaxsale Daqoortik Yewqeh Yan Qunxaaneyta Kee Seeco Aakh Tekkeh Tan Dagorti Elle Geytimte.