Qafar Ummattak Mano Giclo Kee Qasba Numma
Dahlakak Ilaa Musowwaqak Xabba Haak Tagorri Fanah Inki Alfih Kiilo Mitirik Daga Takke Baaxok Qasa Badih Dariifal Kalah Gersi Mari Addat Anekalah Dubuh Elle Mannowak Sugte Qafar Ummatta Isinni Baaxo Itiyoppiyak Hinnammay Isinni Baaxok Akah Baxsiemenim Ken Fayxik Masuginna.
Tama fidin baddi qaxih Exxah ummattak ginoh ufuy ruuboh arac kee ken manoh rakiibok Sugtem Takkay Immay siyaasâ Nakkay Naxaga Kee Isinni Tobokok Akah Baxsiman Innah Abeenim BBC Tama Caagid Wagsisak Abteh Tan Tu Ced Filmil Baxxaqisse.
Wo Waktil Qafar Abbah Suge Sultan Qali Mirac Canfaxe Wo Wakti Aben Qafar Nammakel Kuraanamih Abto Kaxxam Sadeh Suge.
Sultana Eretrah Ummatta Isinni Saami Isinnih Madaqanamih Cakki Le Iyyanamal Qafar Ummatta Nammakel Kurte Eretrah Referendemil Qafar Ummatta Essero Lem Nagay Yescessen Suge.
Qafar Afaay Qaada Kee Aydadi Kusaq Kee Fokkaqoh Inistitutuk Dayrekterih Yan Cabib Macammad Iyyemihi :- Sultan Qali Mirac Wo Waktil Qafar Nammakkel Kurrumtam Kaxxam Sadeh Sugem Yescesse.
Qafarak Buxah Sugeh Yan Qasab Dariifak Akah Yadderen Innah Abeenim Yescesse Cabib Macammad Tah Akah Abeenim Qafar Itiyoppiyuunu Yaxigeenih Inki Ayro Yadureenim Maraqta Axcuk Meysiteenimih Sabbatak Sugtem Kassise.
Dumaahi Qasab Magaalak Ciggila Saqalah Suge Qali Qiise Macammad Soltan Dimokrasi Yekkek Eretral Tan Ummattah Doraanamih Saami Macah Mayamcawwa Iyyewak Isiyas Afworki Daffeynat Iqitta Iyyeh Yewqem Kassisa.
Ta Dimokrasih Essero Raddi Waytem Soltan Baaxo Cabak Akah Gexannat Ka Bahteeh Qafar Faxah Faxewak Caylat Kurrumtamat Temete.
Mabla yaceen mari elle warsannal, Eretriya currik tan baaxo geyteek lakal Qasa badih dariifal Qafar ummattat tekkeh tan Celewaynitte kaxxa hadaf Ummatta Guubuk Duffusanamak Sugtemi Yascassen.
Cabiib Macammad Iyyemihi :- Isiyas Afworki Reeda Yibbixek Lakal Luk Sugeh Yan Uqrah Hadafa Qafara Qasa Badih Dariifak Inki Tanuuk Kaqlisamak Sugte.
Faxak Sugeenim Baaxo Ikkah Ummatta Akkewak Sugtemih Taagah Dulusiyyay,Raba Kee Uwwaytu Keenik Nagranamih Cogdat Antifiquk Uqrat Yan Gital Aben.
Duffusiyyak Kalah Qunxaaneyti 12 Fotimak Lakal Saawa Diqsita Qaskar Kambi Fanah Seewah Beyak Isinni Qaada Akah Habbelan Innay Kinnane Baatil Keenit Abak Sugen.
Qafarak Qasa Badak Dimokrasih Eglah Saqal Ibraahim Harun Iyyamaha:-Saawa Qaada Kee Afti Baytih Arac Kinnim Kee Ummatta Isinni Baaxo Cabak Akah Dultannah Abanam Kinnim Baxxaqse.
Qali Qiise Macammad Iyyamaha :- To Dariifal Sugte Kullumti Mabbuxih Taama Abbatik Sugte Qafar Gita Malinno Buttah Sababah Dariifa Cabak Akah Gexan Innah Keenik Abeenim Kassisa.
Qafar isi ginô gaddat Yantifiqeenimik Waasanam kee cokmi buxak amri maleh casbit Akah Haan Innah abaanam kaaduk tama zulmih exxak Tiya Tiya Kinni.
Tah Tannal Anuk Soddom Sanatak Lakal Qasab Caagid Qagisak Ugusem Qafar Addal Kaxxa Rufto Gintem Cabib Macammad Qaddose.
Qasa Bas Iriyoppiyah Yaduurem Kulli Marak Muxxi Tuxxiq Qafar Edde Lem Yescesse Cabib Macammada Bada Lewanna Fanah Gacisanamal Qafar Faxximta Fida Mekeltuh Bical Tanimit Yaabe.