Sidaama Rakaakayal Gilaal Efeqit 10 Miliyoonih Kuntaalak Dagah Murti Elle Gaabowe
Addis Ababa, Caxah-Alsak 12, 2018 (FMC) Sidaama Rakaakayal Gilaal Efeqih Daddoosul Aham Fanah 10 Miliyoonuuy 460 Alfih Kuntaalih Murti Gaaboysaanam Xiiqeenim Sidaama Rakaakayak Buqre Kee Gino Gaddih Daddoosih Biiro Qaddosse.
Tama Biirok Caxa Xuwa Kee Efeq Gaddih Dayrekterih Yan Amsalu Argaw Faana Dijitaalah Elle Qaddoosenna:- Rakaakay Caddol Yan Lee Gadda Hangit Haak Gilaal Efeqih Daddoosih Taama Tekkeh Tanimit Yaabe.
Ta Mizaamiyyat Liggidal 94 Alfih Hektaaraak Dagah Takke Baaxol Namma Luddah Efeq Daddoosul 21 Miliyoonih Kuntaalaak Dagah Murti Gaabioysoonih Ikraariseenih Yaniinim Qaddoose.
Qimboh Exxal 80 Alfiiy 890 Hektar Daddoosak, 18 Ximmooy 6 Miliyoonih Kuntal Gaaboysoonuh Ikraariseenih Yaniinim Ascassuuk, 40 Alfih Hektaaraak Dagah Kilasteril Buqre Taama Tekkeh Tanim Kassiise.
Rakaakayal 275 Alfiik Daga Takke Baaxo Xaylo Efeq Daddoosut Angaluk, Aham Fanah 10 Miliyoonuuy 460 Alfih Kuntalih Murti Gaaboysaanam Xiiqeenim Qaddoose.
Buqreh Xiina Tamrute Murti Saanih Xaama Marah Xayyoosaanam Akah Xiiqan Innah Qadaaga Fantaaxaw Keenih Missooseenih Yaniinim Yiysixxige.
2heele Exxak Efeq Buqrel 13 Alfih Hektaaraak Dagah Baaxo Daddoosak 2 Ximmooy 9 Miliyoonih Kuntal Gaaboysoonuh Ikraariseenih Yaniinim Qaddoose.