Rakaakay Doolat Ayyunti Esseroh Raddih Gacisuh Ayyunti Antifqimiyya Dadlisak Geytimta – Rakaakayak Naharsi Saqal Cajji Awwal Qarba
Addis Ababa Qasa Dirri 14,2018(FMC) Rakaakay Doolat Ayyunti Esseroh Raddi Gacisuh Ayyunti Antifqimiyya Dadlisak Geytimtam Rakaakayak Naharsi Saqal Cajji Awwal Qarba Yescesse.
Aysaqiita kee Afambok Mangatiinah Ganda kee Aysaqiitak Maqub leeh Cugayso Dooqaysiisak Ayfaafay Qimbisiise.
Ta Taddeeral Geytimeh Yan Rakaakayak Naharsi Saqal Cajji Awwal Qarba Yekkeh Yan Daddos Ayyunti Essro Abinah Gacissaamak Muxxi Kulli Caddol Antifqimiyya Daabissam Xiqqimtem Qaddosen.
Dooqayseenih yanin Cugayso Lee kee Elmô Malaak kee Yuniseef Qokolul 800Miiliyeenih Birriik Dagah Awqentat Tekkeh tanim ascassuuk fantenaanih Gaddaay Gacse.
Ta Cugaysot Tantafaqo Yekkeh yan Namma daqar Sariinoh Hangi Acayuk Elle Faxximtannal Edde Yantifiqeenim Faxximtam Kassise.
Lee kee Elmô Malaak Injiner Habtaanu Itefa(Dr) ta aracal elle qaddoysennal Doolat leê guddos elle dagoh yan dariifah baxsale hangi cayuk Cugaysoosallih Taamitak Geytimam Qaddosen.
Rakaakayak Lee kee Elmô Biiroh Saqal Gifta Acmad Shaami Aysaqiitah Magaala kee Aysaqiita kee Afambok Mangatiinâ Ganda Maqub Leeh Cugayso Ayyunti Antifqimiyya Diggosseh Taniimit Yaabe.
Ta Cugayso 52alfiik Dagah Ayyunta Tantafaqo abelem Qaddoysen.