Rakaakayak Lee Kee Elmo Biiro Magaale Daqaaral Bicisseh tan Saytun-Maqab Leeh Cugayso Dooqaysen .
Addis Ababa Laqin Alsak 16,2018 (FMC) Rakaakayak Lee Kee Elmo Biiro Mercy Corps Xiqsitta Cugayso Luk Cattiimak 10 Miliyoon Yakke Maalut Bicsen Soolarah Taamitta Saytun-Maqab Leeh Cugayso Dooqaysen.
Magaale Daqaaral 17 Lee Cugaysoosa Tanim Kassiiseh Yan Rakaakayak Lee Kee Elmo Biirok Naharsi Saqal Gifta Acmad Shaami Tahak-addak 10 Takke Lee Fanteenaani Soolaarah Koriseenih Yaniinim Kee a Cugayso 3500 Daga Yakke Ayyuntah Ayfaafay Aceelem Diggoose.
Rakaakay Caddol Lee Fanteenaani Soolaarah Korisaanamal Assakat Le Taamoomi Akkuk Geytintam Ascassuuk Ceelalloh Qafar Rakaakayih Caddol 300 Daga Takkem Soolaarah Koriseenih Yaniinim Yescessen.
Doolat Bicisseh tan Lee Cugaysoosa Dacayri Faxxa Iyyeh Yan Gifta Acmad Shaami Magaaleh Ummatta Geyteh tan Saytun-Maqab Leeh Cugaysoosa Finqak Cataanam Faxxintah Tanim Baxxaqisen.
Gifta Casan Ibraahim Magaale Daqaarak Lee Ku Buxah Saqal Kinnuuk Iyyeemih Lee Biiro Magaaleh Ummatta Luk Sugteh Tan Saytun-Maqab Leeh Taqabih Calli Abak Geytintam Kee Away Dooqaysen Daqaar Fanteenak Lee Cugayso Mango Ayyuntaay Lee Taqabi Luk Sugeh Fidga Tekkem Kinnuuk Daqar Migaaqal Gadda Gacisa Yaanam Iyye.
Tama Dooqaysoh Aracal Rakaakayak Ciggiila Prezixentiiy Ardi Biiroh Saqal Gifta Qumar Nuur Qarba Miraacisa Rakaakayay, Rasu Kee Daqaar Miraaciin Edde Yengele.