Anxaxin Raatih Taddeera Itiyoppiyah Diplomaasih Caddol Konnabna Kee Oggol Geysisse- Ciggiila Naharsi Malaak Temesgen Tirune

Addis Ababa,Waysuk 15,2018 (FMC) Anxaxin Raatih Taddeeral Baad Caddoh Diplomaasih Luddal Ityoppiyah Konnabna kee Oggol Geysisseh Tanim Ciggiila Naharsi Malaak Temesgen Tirune Qaddoose.

Ciggiila Naharsi Malaak Ayyuntiinô Ratteemah Golil Tatruseh Yan Farmol Elle Qaddoosennal Algin Raatih Taddeeral Sittaluk Cattiimak Qikkiboh Mablal Abbinoosak Geytimaanamak Sumqa Kinnim Yescesse.

Naharsi Malaakih Kutbeh Buxah Taama Abeenit Luk Algin Raatih Garboh Cugayso Asaaku Qimbisen

Algin Raata Baaxok qaxama qaaney Qidaddok Raacena Kinnuuk Ekraarisak Elle faxximita Gurral Taamitak Xaloot Amballayuk Geytima.

Algin Raatih Taddeeral Takkeh Tan Giffole tamoomik Anxaxih daddoosuy, Qidaddo kee dariifa Dacrisiyyah Le faydak Taturak Baad Caddol fayyaleh Tan Konnabna kee Oggol Akah Geytinnah Kaxxa Doori Leh Tanim Baxxaqise.

Algin Raatih Taddeeral Tekkeh Tan Tamoomik Baad Ayyuntak Hangi Hirigak Geytimita Xaloot Elle Amballayuk Baadak Rosqa Milaagih Konferensi (Kop32) Ityoppiya Arcibissam Aydaaduy Maqarleh Diplomaasih Xaloot Kinnim Qaddoose.

Asanat Qaago Daabisnay Inta Itrol 8Biliyeenih Coox Daabisoonuh Ekraarisak Hadaf Aracat Hoonuh Macalak Geytimaanah Angaluk Sittaluk Daabisak Hanaawisnam Faxximitam Kassise.