Currik Tan Kabxa Dariifah Addal Miraacsimte Murti Qadaaga Xayyos Gaddalola Culenti Qisok Curri Yakkonuh Faaticsen
#gazetteplusqafaraf | Safak Tan Kabxa Dariifah Addal Miraacsimte Murti Qadaaga Xayyos Gaddalola Culenti Qisok Curri Yakkonuh Faaticseenih Yaninim Lakqo Malaak Yeyyeqeh Maybalalaqal Qaddoyse.
Baaxok Masnaqat Daddos Elle Faxximta Innal Caddol Fayya Hoonuh Sabab Tekkemik Addat Kappital Dagna:-Saqto Xayyos Taqabi Mihratlela Dagna Baxsaluk Edde Qaddoysanam Xiiqmitem Kinni.
Takkuh Ta Taqabitte Caddo Caddol Raaqisek Baaxoh Adda Industry Daddos Fayya Haanam Faxximta.
Tannal Satqoqi Kee Akki Murtitte Elle Faxximta Caddol Xayyos Abak Iro Culsa Dagorti Murti Qadaagal Xayyoysanamak Naharal Yaceenih Yanin Mekla Meeri Kee Cappital Abbaxuk Baahan Taqabi Raaqisanam Faxximta.
Ta Sababal Irok Culsa Dagorti Satqo Kee Murti Meeri Kee Meeri Mekle Kalah Baaxo Fan Culsak Satqoh Aw Murti Qadaaga Geenih Yanin Meeri Elle Meklan Gexsit idni Curri Kabxa Meeri Gexsita Fidisak Ta Siirat Abbinosa Currik Yan Kabxa Dariifa Kulli Dariifal Xiiseenim Kinnim Qaddowte.
Ta Currik Yan Kabxa Darifa Gaddalola Yayse Innal Hirgonuh Abak Dagal Elle Qaddoysen Innal Ossotina Currik Yan Kabxal Miraacsime Satqo Kee Murtitte Qadaaga Fan Xayyoysak Taamal Miraacsimteh Tan Gaddalola Culneti Qisok Curri Yakkonuh Idnisen.
Gaddalola Ta Saamit Antafaqamuk Currik Yan Kabxa Dariifal Miraacsimana Gidih Malaak Maktaba Qaddoyse.