Itiyoppiya Tekenoloojih Luddal Abak Geytimita Xaloot Le Taama Inkih Tan Afrika Elle kaxxiinita

Addis Ababa Qasa Dirri 6,2018 (FMC) Itiyoppiyah Technology Luddal Abak Geytimita Xaloot le Taamoomi Inkih Tan Afrikah Elle Kaxxiinita Abto Kinnim Laybeeriyak Iroh Caagiidah Malaakah Tan Saara Beyisolow Nayati Tescesse.

Itiyoppiyah Iroh Caagidak Ayfaf mattacayyoh kee Hadlisso Luddal Qarangubah caddol Qalayli Leh mexxat Rakuh Yan Kobboritem Sinni Dudda Xisak Geytimtam Qaddosse.

Laybeeriyak Afah Caagiidah Malaakah Tan Saara Beyisolow Nayati Miraacissa Erga Itiyoppiyak Oyti Teknoloojih Parkit Gufne Aben.

Tama Gufneh Aracal iroh Cagidah Malaak Saara Beyisolow Nayati Elle Qaddossennal Ityoppiyah Teknoloojih luddal Tambulleyeh tan milaagitte inkih tan afrikah kaxxiinitah Tan Taamoomi Abak Geytimaanam Kassisse.

Tonnah Itiyoppiya Kee Laybeeriyah Fanal Yan Namma Baaxoh Angaaraw Fooca Fanah Diggoose loonum Tiysixxge.

Baxsa luk Teknoloojih Luddal Buqre Kee Baritto Luddal Yakke Sittin Qokol Namma Baaxoh Ummattah Tuxxiq Akah Yallennah Abaanam Faxximtam Tescesse.

Afrikak Mangoh Yan Sahdayti Gaddat Leh Baxsaluk Qunxaaneyta Meqennal Yantifiqoonuh Baaxooxa fanal Yan Sittin Qokkoliyya Maqarroosaanam Faxximtam Kassisse.

Tama Parkih Addal Baxsa luk Qunxaaneyti qusbaamih Hadlissol Aboonuh Bicale dariifa Ginnaanih Geytimaanah Ah Gersi Baaxooxah ceelallo Takke Abto Kinnim Baxxaqise.

Afrikah isi Oytih fanteenay isi Duddal Mirraacisam Duddaamak asat Kinnuuk laybeeriya Ityoppiyak Abak raaga Beyak isinni Oyti fanteena Xisaanamih Fayxi loonum Yescessen.

Afrikah Caddol Xer Aydaadu le Namma Baaxoh Fanat Yan Fantaaxaw qidaddoh kee Technology sittin Qokkoliyya Fanah Tabisoonuh Taamitak geytiman.

Laybeeriyah Perezxenti Josef Nayuma Miraacisa Erga Kimaalih Ayro Taama Gufneh Addis Ababak Boole Baad caddoh Tayyaarah Booxa Gufne waqdi Naharsi Malaak Dr Abiy Acmad Garayyo Kaah Abeh Yanim Qaddoosen.